Karanta Hukunce-Hukunce 6 Na Sallar Juma'a

1.  GABATARWA

Kowane musulmi yana buƙatuwa ga sanin hukunce-hukuncen juma'a tunda ta bambanta da sauran salloli ta wasu mas'aloli, musamman ma limamai tunda su ne jagorori.

HUKUNCE-HUKUNCE 6 NA SALLAR JUMA'A

Hoto: Britannica

2. MAI GYANGYAƊI YAYIN KHUƊUBA

ANNABI (SAW) ya ce "idan gyangyaɗi ya kama ɗayanku a juma'a ya sauya wurin zama".

[AHMD,ABU-DAWUD,TRMZ,HKM DA ASSAHIHA]

3. SALATIN ANNABI A RANAR JUMA'A

ANNABI ya ce "daga mafificin yinnanku wunin juma'a, acikinsa aka halicci ADAM (AS) a cikinsa aka busa masa rai, a cikinsa za a yi ƙiyama- ku yawaita yi mini salati acikinsa domin za'a bijiro mini da ita"

[AHMD,ABU-DAWUD,NASA'I & IBN MAJAH"

4. YADDA IMAM ZAI YI ADDU'A AKAN MIMBARI

UMAAR BN RU'AIBAH ya ga BASHAR BN MAR'WAN ya ɗaga hannayensa biyu yana addu'a akan mimbari, sai ya ce: "ALLAH wadaran waɗannan hannayen, haƙiƙa na ga ANNABI yatsarsa na tahiyya yake ɗagawa yayin addu'a akan mimbari.".

[AHMD].

SHAUKANY ya ce: "Makruhine ɗaga hannaye yayin adu'a akan mimbari".

IBN TAIMIYYA ya ce: "Daga hannaye yayin addu'a akan mimbari makruhine domin ANNABI yatsansa yake ɗagawa sai dai idan zai roƙi ruwa yana daga hannayensa koda akan mimbari ne".

[AL-IKHTIYARATUL FIQHIYYAH-80].

5. TSABTA DA ZUWA DAWURI

ANNABI ya ce "Wanda ya yi wanka ranar juma'a ya shafa turare idan akwai, ya zo masallaci cikin nutsuwa ya yi nafila kuma bai cutar da kowa ba ya yi shiru ya saurari khudubar imam, an kankare masa laifukansa tsakaninsa da wata juma'a."

[AHMD,IBN-KHUZAIMA].

ANNABI ya ce e "Wanda ya zo a lokaci na farko kamar ya yi sadaka da raƙumi 

ko saniya ko tinkiya ko kaza ko ƙwai. Idan imam ya fara huduba MALA'IKU za su nannade takardun.".

[BHR & MSLM]

6. IDAN IMAM YA YI KHUDUBA BA ALWALA

IBN QUDAMA ya ce: "Sunna ce yin huɗuba da alwala, idan imam yana huɗuba sai ya tuna ba shi da alwala sai ya kammala khudubar sai ya yi alwala ya ja sallah, haka ma IBN TAIMIYYA ya ce a MAJMU'UL FATAWA.

7. RUFEWA

Kada duniya ta ruɗe mu domin daɗinta kaɗan ne.

Mu yi guzuri da taƙawa domin muna da dogon bulaguro.

Kada mu kifu a duniya domin wanzuwa acikinta korarre ne.

Mutuwa dai ba ta suɓucewa kuma ba ta karɓan fansa kuma ba ta musanyawa ga wanda aka turo ta ta ɗauke shi.

TABBATACCIYAR MAGANA NE: Cewa za mu koma zuwa ga UBANGIJINMU ya yi mana tambaya akan ni'imomin da ya ba mu.

ME MU KA YI DA ITA ?

SHIN NI DA KAI DA KE MUN TANADI AMSAR DA ZA MU BAWA UBANGIJINMU ?

Tushe/Asali: Musulunci Hanyar Rayuwa 

Karanta Sauran anan»

Hanyar Da Za Ku Bi Domin Share Hawayen Masoyan Ku

A lokacin da masoyiyarka ko masoyinki ya faɗa a cikin wata damuwa, tabbas akwai buƙatar ganin kun share hawayensa, tare da ƙoƙarin ganin kun zamo sanadiyar dawo masa da farin-cikinsa da ya rasa. To amma ta yaya hakan zai samu? 

HANYAR SHARE HAWAYEN MASOYI/MASOYIYA

Hoto: Medical News Today 

Marubuci: Abba Muhammad Dan Hausa

Da akwai hanyoyi masu yawa da mutum zai iya bi, wajen ganin ya samu nasarar kawar da damuwar da masoyinsa ke ciki, kaɗan daga ciki kuwa akwai:

Lallashin masoyi da nuna tausayawa a kan halin da yake ciki da furta masa kalamai na soyayya masu taushi da sanyaya zuciya. 

A kan haka ma wani masanin al'amuran soyayya (S.I. Fatimiyya) ya ce:

"Babbar hanyar da ake bi wurin share hawayen masoyi ita ce, yin amfani da salo iri-iri na nuna ainahin damuwa da shi wannan masoyin. Ta hanyar yin amfani da kalaman kwantar da hankali. Ko ta hanyar yin amfani da kalaman soyayya. Sannan kuma da ta hanyar nuna tausayawa ga masoyin nan naka."

Ire-iren waɗannan kalamai kuwa, suna nan a cikin zuciyar kowane Ɗan-Adam, sai dai buƙatar tausasa harshe kawai. Misali:

Masoyiya Ta.

{Na san na yi miki laifi wanda har hakan ya sa kika yi fishi. To amma mene ne ya sanya kika bari fishinki ya kawo har zuwa tsawan wannan lokacin? Ko kin san adadin mutanen da fushinki ya sanya a damuwa kuwa? Tabbas, suna da yawa, daga cikinsu kuwa har da ni. Ki daure ki yafe min ki manta da komai, domin kuwa fishi ba zai yi maganin komai ba, kuma bai dace da ke ba.}

Masoyi Na.

{Na kwana cikin damuwa da tunanin irin halin da ka kwana a ciki masoyi na. Kai ne farin-ciki na, a dukkan lokacin da kake cikin damuwa na kan kasance cikin ƙunci da ƙunar zuciya. Zan so ka daure ka share dukkan damuwar zuciyarka. Na tuba ba zan ƙara ba, wancan ma a bisa kuskure ne.}

Waɗannan da kuma ire-irensu.

Karanta Sauran anan»

Hanyoyin Bambance Sana'a Domin Cimma Nasara

Idan aka yi la’akari da ma’ana, ba kowace sana’a ce za’a iya bambance ta ba. Bugu da ƙari banbance sana’a na da tsada, da ɗaukar lokaci kuma da matuƙar ƙalubale wajen cimmawa, sannan babu wuya ‘yan “kwafi kwafi” su kwafa.

BABBAN KALUBALEN BAMBANCE SANA’A

Hoto: Everyday Power

Marubuci: Bello Galadanchi

Idan aka tuna, kamfanin Apple ne ya fara suna wajen fito da waya da ake taɓawa a fuskarta, amma a halin yanzu kusan kowace waya ana taɓawa. Wani lokacin banbance sana’a ba ya kasancewa abin da ke bai wa sana’a tagomashi da fice na lokaci mai tsawo. 

Saboda tsabar wahalar nemo dabarar cimma banbance sana’a ta yadda dabarar za ta yi tasiri kuma ba za a iya kwaikwayar ta ba, wani masani a harkar talla mai suna Philip Kotler ya bada shawara ga masu sana’a yana mai cewa a mayar da hankali akan batutuwan da ke taɓa zuciyar mutane. Bari na yi bayani, wato masu sana’o’i su yi talla domin ƙulla soyayya tsakanin zuciyoyin kwastomomi da sana’ar, ta yadda su kwastomomin da kansu ne za su ringa bambance sana’ar daga saura komai kamanninsu.

Misali, irin tsari da zane da fasalin takalmin Nike da Adidas sun fita daban, amma banbancin su kaɗan ne ta yadda da ƙyar mutum zai iya banbance su ta fannin amfani da inganci. Amma a zuciyar kwastomomin waɗannan kamfanoni guda biyu, banbancin takalman na da yawa, kuma suna kishin kamfanonin da suke goyon baya. 

Shi ma kamfanin Apple ya banbance kanshi ne a ɓangaren sautin kaɗe-kaɗe a lokacin da ya ƙirƙiro manhaja mai sauƙin amfani da ita kanta na’u’rar sauraron sauti (iPod) mai kyau da inganci da ya ƙara bai wa kwastomomi jin daɗin amfani. Shi kanshi iPod ɗin ba shi ne na'urar sauraron sauti na farko ba saboda akwai MP3 da yawa a wannan lokaci, amma saboda irin manhajar da yake da shi, ya bai wa kwastomomi yanayin amfani mai daɗi wanda ragowar MP3 ba su bayar ba. Ta yaya za ka banbance sana’ar ka ta yadda za ka yi fice? 

Karanta Sauran anan»

Lokacin Karɓar Kowacce Irin Addu'a A Ranar Juma'a

Manzon Allah (SAW) ya ce:"A (Ranar) Juma'a akwai wani lokaci da babu wani bawa musulmi da zai dace da shi, yana a tsaye yana sallah, sai ya roƙi Allah wani alkhairi face Allah ya ba shi". Bukhary da Muslim.

LOKACIN KARƁAR ADDU'O'I A RANAR JUMA'A

Hoto: Islam Ru

Abin da a ke nufi da "Yana tsaye yana sallah" ai yana zaune yana jiran sallah, yana ambaton Allah kuma yana addu'a, domin wanda ya zauna a masallaci yana jiran sallah to yana cikin sallah ne".

Shaykh Bn Bazz RA yace:

"Wannan lokacin shi ne bayan sallar la'asar har zuwa faɗuwar rana ga wanda ya zauna yana jiran sallar magriba, a masallaci ne ko a gida, mace ce ko namiji ya zauna yana jiran lokacin amsar addu'a, sai dai namiji ba zai yi sallar magriba a gida ba ko ma sauran salloli (na farillah) face da wani uzuri da Shari'a ta yarda dashi..."

مجموع فتاوى ومقالات الشيخ ابن باز (6/159).

Tushe/Asali: Zauran Daliban Ilimi

Karanta Sauran anan»

Kalli Zafafan Kyawawan Hotunan Fatima Mai Zogale

Fatima Aliyu wadda aka fi sani da Fatima Mai Zogale, tana  ɗaya daga cikin waɗanda nasarar su take zama abar tattaunawa a gurare daban-daban a yau.

Fatima Aliyu

Hoto: Fatima Mai Zogale 

Fatima Mai Zogale, ita ce wadda fitaccen mawaƙin nan na Arewa wato Dauda Kahutu Rarara ya rera wa waƙa.

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.

Fatima Mai Zogale ta kasance masoyiyar waƙoƙin Rarara ce ita tun kafin ma ta san shi.

Waɗannan ƙarin wasu ne daga cikin kyawawan hotunan nata;

Fatima Mai Zogale

Hoto: Fatima Mai Zogale 

Fatima Aliyu

Hoto: Fatima Mai Zogale 

Ku ci-gaba da kasancewa tare da mu a kodayaushe don samun tarihin Fatima Mai Zogale da zafafan hotunan ta na musamman.

Karanta Sauran anan»

Karanta Kalaman Soyayya Masu Daɗin Gaske Mara Misaltuwa Tare Da Ratsa Sassan Jiki

MUTU

Da na mutu, gwanda na rayu, sai dai da na rayu babu ke. To gwara na mutun, wataƙila mutuwar ta zamo hutu a gare ni, idan na dace, da a ce na rayu, ni kaɗai a cikin duniya, ba tare da ke ba, to gara a ce na rayu ne a matsayin bishiya, domin ko ba komai, masoya za su zauna a ƙarƙashin inuwata su more soyayyar su. Zama a wannan duniya ba tare da ke ba, tamkar zama ne a cikin wuta da rigar fetur. Ina son ki, sai anjima.

Zafafan Kalaman Soyayya

Hoto: Lawn Starter

ALFAHARI

Ba komai ba ne ya sa ba na son na mutu ba, face sai dai na san idan na mutu, ba zan sake ganin ki ba. Yayin da ni kuma zuciyata, ba za ta iya jure kewar ki a halin mutuwa ko rayuwa ba, idan har mutuwa ta yi gaggawar ɗauka ta, kafin na cike alƙawarin soyayyata a gare ki, to kuwa zan bar wasiyyar rubuta sunan ki akan kabarina, domin hakan ne kawai zai sa na yi alfaharin zamo wa masoyi na gaskiya a gare ki. Ina son ki, ina ƙaunar ki.

ADO

Da Ɗawisu zai ga irin kyawun halittar da Allah ya yi miki, da kuwa dole ya tsige gashin kansa da kansa, kuma har abada ba zai so ya sake haɗa ido da ke ba. Duk wanda bai taɓa faɗa miki, ke kyakkyawa ba ce, to kuwa kishi yake yi da kyawun da Allah ya ba ki. A duk lokacin da na gan ki, kin yi ado, ina rasa kayan adon ne suka yi miki kyau ko kuwa ke ce kika yi wa kayan adon kyau, amma a ƙarshe na kan tuna cewa inda babu kyau, kayan ado yake yin tasiri.

HASKE

Garin ya yi haske, amma bai kai hasken fuskar ki ba, zuwa anjima kuma, garin zai yi duhu, sai dai na san, ba zai taɓa yin duhun rashin ganin ki ba a gare ni. Barka da safiya! Ina son ki!

ZUCIYA

Duk bugun da zuciyata ta yi, soyayyar ki ce take ƙaruwa a cikin ta, tamkar yadda kifi ya zamo abokin ruwa, haka soyayyar ki ta zamo abokiyar zuciyata. Da zuciyata nake auna nisan tazarar da ke tsakanina da ke, da iya yanayin inda kika yi nisa da ni da iya yadda ƙararrawar da ke alamtar min da kusancin ki a gare ni za ta ƙara sauti. Daga zuciyata, zan iya gane kina raye ko kuma ba kya raye, soyayyata a gare ki kenan wacce ba ta da sirki. Ina son ki. 

FARIN CIKI

Idan har ya kasance farin ciki ɗaya nake da shi, to kuwa wannan farin cikin ke ce wadda zan bai wa shi, na gwammaci na shafe tsawon rayuwata babu ɗigon da ya shafi zuciyata, ba zan damu da sa kaina a farin ciki ba. Idan har ke kin yi farin cikin. To, kuwa shikenan burina ya cika, iya abin da nake so ki fahimta a yanzu shi ne idan har na ɓata miki, ki yi haƙuri. Ina ba ki haƙuri 

LISSAFI

Idan za a iya sauya soyayyar da nake miki zuwa abinda ido ke iya gani. To, kuwa na tabbata wani ido ba zai iya hango ƙarshen ta ba, ita tamkar ruwan sama ce wacce komai lissafin mai lissafi ba zai iya ƙididdige adadin su ba. A kalamai kam ban san iya adadin kalma nawa ne za su wadaci na bayyanar da soyayyar ki ba, sai dai zan iya taƙaice komai a kalmomi uku rak wato Ina Son Ki!

SO

Idan kika so ni, kowa ma ya ƙi ni. Idan kika kula ni, kowa ma ya bar ni. Idan kika ja ni kowa ma ya sake ni. Idan kika aure ni kuma. To, kowa ma ya tsane ni. Ni soyayyar ki kaɗai ta ishe ni. Ni ke ce komai a gare ni, koda babu kowa a tare da ni, idan ga ki, to kuwa zan yi walwala, amma idan ga kowa a tare da ni, amma babu ke to kuwa har abada walwala ta yi bankwana da zuciyata. Ina son ki.

ƘARSHE

Idan kina tafiya, zan riƙa take miki baya. Idan kina magana zan yi ta sauraren ki. Idan kika yi shiru, zan yi ta yaban ki. Idan kina barci, zan riƙa tsaron ki. Idan kina aiki, zan riƙa taya ki. Idan kika kira ni zan kasance a gaban ki. Idan kuma kika ba ni dama, zan yi ta cewa Ina Son Ki. Ina ƙaunar ki, ina burin kasancewa tare da ke har ƙarshen rayuwata. Ina son ki.

MAMAKI

A rana ɗaya na gan ki, a ranar na kamu da ƙaunar ki, na yawaita tunanin ki, tun kafin na san sunan ki, na riƙa mafarkin ki, wai gani ga ki, na tsaya a gaban ki, ina furta miki kalmomin ina Son Ki, amma bisa mamaki sai ki, sai kika ja tsaki tare da tofar da yawu a gefen ki, kika ɗan ƙara gyara muryar ki, kika kafe ni da idanuwan ki. Sannan cikin wata murya taki kika ce ba na son na rasa ka.

DAMUWA

Idan na rasa ki a rayuwa, ba zan taɓa yin kuka ba, domin kuwa shi kuka ana yin shi ne ga abin da ake tunanin za a iya mantawa zuwa gaba, hawaye ba sa taɓa wanke damuwar da zuciyata za ta shiga, a sanadin rasa ki. Hawaye sun yi ƙanƙanta matuƙa su hana rayuwata barin gangar jikina. Soyayya a gare ki a yadda take za ki fahimce ta, sannan ki gane ban taɓa son ki ƙasa da yadda zan iya rayuwa ba tare da ke ba. Ina son ki.

MAGANA

Wanda bai san ki ba, ya faɗo. Wanda bai taɓa ganin ki ba, yana ruwa. Wanda bai taɓa magana da ke ba, ya samu matsala. Wanda bai taɓa jin sautin muryar ki ba, ya shiga uku. Wanda labarin ki bai taɓa riskar shi ba, ya shiga tara. Wanda ya taɓa ganin ki, ya zo daidai gurin. Wanda ya taɓa magana da ke kuma ya wuce gurin. To, wanda ya gan ki ya kushe ki, babu kalmar bayyanar da haukar sa.  Ina son ki.

RUHI

Tamkar yadda ba za a taɓa wayar gari tafin hannu ya kare hasken rana ba. To, haka ma har abada ba za a taɓa wayar gari a samu cewa na daina son ki ba. Tamkar yadda idan ruwan zafi ya gauraya da na sanyi, ba za a taɓa ware su ba. To, haka ma soyayyar ki ta kasance da ruhin jikina, wacce aka ce matuƙar za a ware su, sai dai a raba ruhin da gangar jikina. A soyayyar ki kam sai dai abin da ya ci-gaba amma babu ranar dakatawa, ina son ki. Nagode.

MATSALATA

Murmushi, sunansa murmushi a fuskar kowa, sai dai murmushi a fuskar ki ya zarce murmushi a fuskar kowa. Ke ba kamar kowacce mace ba ce, domin kuwa Zahra ma tauraruwa ce, amma kuma ai ba ta yi kama da sauran taurari ba. Ranki ya daɗe, abin da yake damuna ba zai wuce soyayya ba, abin da kuma zai iya magance min matsalata ba zai wuce ke ba, ki ba ni dama na furta miki koda kalmomi uku waɗanda su ƙunshi Ina Son Ki. 

RUBUCE 

Idan har idanuwana za su iya kallon wata 'ya mace da sunan soyayya. To kuwa makanta ce ta fi cancanta ta zamo hukunci a gare ni. Babu wani sashi na jikina da zai yi wani abu ga wata macen da ba ke ba, kuma ya ce zai ci gaba da kasancewa a tare da ni. Ke dole rayuwata ce, wacce ko da so ko babu son raina, sai na kasance tare da ita. A cikin zuciyata kike a rubuce, kuma har abada ba za ki goge ba. Ina son ki, ina ƙaunar ki.

ƘUNCI

Ba na son ki, sai don na aure ki. Ba na natsuwa sai don na saurare ki. Ba na tafiya sai don na zo gidan ku. Ba na farin ciki sai idan na gan ki. Ba na ƙunci sai idan an taɓa min ke. Ba na walwala sai idan an yabe ki. Ba na kuka sai idan an kushe ki. Ba na magana sai idan zan yabe ki. Ba na karatu sai idan na ga saƙon ki. Ba na rubutu har sai idan ke zan rubutowa kalmar Ina Son Ki. 

TSORO

Sunana masoyin ki. Muradina auren ki, burina soyayyar ki, addu'ata amincewar ki. Farin cikina ganin ki. Walwalata murmushin ki. Abin nemana farin cikin ki. Abin da na fi ƙi damuwar ki. Tunanina, hidimta miki. Tsorona rasa ki. Furucin bakina kuma Ina Son Ki.

ƘAWAYE

A gaban ki zan ce da ke "I love you". A bayan ki kuma "I miss to you.". A gaban ƙawayen ki kuma "My only one.". A  gaban abokaina kuma "The mother of my children.". A gaban ahalin ki, zan ce da ke "My wife.". A gaban ahalina kuma zan ce "The one I can't live without you". A gaban dukkan matan duniya kuma zan ce da ke "My soulmate". Ina son ki. Na gode.

DAƊI

Ina so na kyautata miki ta hanyar abin da hannuwan za su iya ɗauka su ba ki. Da a ce ina da wadata zan iya yi miki alkawarin maida ke sarauniya, sai dai a yanzu da iya wadatar kalamai nake da shi, to kuwa zan yi miki alkawarin yin amfani da iya kalaman da Allah ya wadata ni da su, zan sa ki ji kanki tamkar sarauniya. Ina jin daɗin yadda ki fahimci cewa ita kyautatawa ba da iya kuɗaɗe ake yin ta ba, face da dukkan abinda Allah ya wadata ka da shi. Ina son ki.

LANTARKI

Misalin yadda nake ganin sauran mata a sa'in da na ƙare kalle ki, shi ne misalin wanda ya sha zuma kafin ɗanɗanon ta ya bar bakinsa sai aka ba shi maɗaci ko kuma wanda a cikin duhu ya ƙurawa ƙwan wutar lantarki ido sai farat ɗaya aka janye hasken. Kyawun da kike da shi na tabbata ko kyau idan ya gan ki sai ya tabbata ke kyakkyawa ce. Da wannan kyawu naki na san duk wacce ta gan ki sai ta raina kanta. Ina son ki.

MASOYIYA

Gadara, gadara ta ɗaya ce shi ne tana so na. Ni ma ina son ta, kuma a iya sanina ba a iya raba zuciya da abin da take so. Masoyiyata, ina son ki. 

ƘOƘARI

A ganina Shah Jahan bai yi wani ƙoƙari ba don ya gina Taj Mahal wa matarsa Mumtaz Mahal ba. Da ni ne shi da nake son tabbatarwa da duniya irin soyayyar da nake yi ma matata har a bayan ranta. To kuwa ba a iya gina Taj Mahal zan tsaya ba, bayan kasancewa ta cikakken mai hidimta miki anan duniya, idan kuma lokacin ki ya yi, to kuwa zan bi ki mu tafi tare, koda kuwa lokacin mutuwata bai yi ba. Son da nake yi miki ba zai ba ni damar ci-gaba da zama anan duniya ba, ballantana har ta kai ga  na gina wani abu domin tunawa da ke.  Ina son ki.

KALMOMI

Ina son ki!! Ko sau dubu zan furta miki waɗannan kalmomin a ƙarshe sai na ji ina son sake furta miki su sau adadin yadda na faɗe su a baya. Idan na kalle ki ƙara son ki nake. Idan na ji sautin muryar ki ƙara son ki nake. Ganin wanda ya taɓa ganin ki ma, ƙara sani cikin shauƙin son ki yake, shi yasa a duk lokacin da na ɗaga hannuna sama godewa Allah nake bisa ba ni ke da ya yi, ba tare da ko-sisina ba. Allah na gode ma ina son ki. 

TAUSAYI 

 

Barkanki na zo ne na yi miki wani laifi a yanzu. Eh laifi mana, tunda na zo ne na ce miki ina son ki, kuma ba zan ɗaga daga nan ba, sai na ji hukuncin da ki yanke a kaina, sai dai ina yi wa kaina fatan ba kai wa Gidan Yari ba ne hukuncin da na aikata a yanzu . Eh Gidan Yari mana, domin idan ki ce ba kya so na tamkar kin sani Gidan Kaso ne. Da mai tausayi kika yi min kama, don haka zan sake maimaita laifina, Ina Son Ki. 

HANYA

Malama Salamu Alaiki, ki yi haƙuri na ɗan dakatar da ke a kan hanya ko? A wallahi dole ce ta sa kasancewar idan na bari ki tafi a yanzu, ban san kuma ranar da zan sake ganin ki ba, amma ina mai ba ki haƙuri kasancewar ba kowacce mace ba ce take son a dakatar da ita a hanya ba. Daga ta can na hango ki, shi ne na ji zubi da tsarin rayuwar ki sun burge ni, da ma na gan ki cikin wannan shigar ta kamala ji na yi kamar ba za ki saurare ni ba, har ga Allah Wallahi ni dai kin burge ni. Ina son ki, da ma abin da na zo faɗa kenan.

FARKO 

Ba ke ce mutum ta farko da ta yi min alkhairi ba amma a yau kin zamo mace ta farko da alkhairin ta a gare ni ya kasa fita cikin raina. Komai ƙanƙantar alkhairi idan ki yi min, to a zuciyata a babba yake zamtowa. Tun daga kan saƙonnin soyayya, kyaututtukan da kike yi min, kulawar da kike ba ni, da koma menene jin sa nake tamkar kin ba ni duniya da abin da yake cikin ta. Ba ni da wadatattun kalmomi, illa na ce na gode. Ina son ki.

ALƘAWARI

Kin ce na ba ki so, na ba ki ƙauna. Kin ce na yi miki alƙawari, na ba ki kalmata. Kin ce na ba ki kulawa na ba ki dukkan lokacina. Kin ce na zamo naki, na ba ki zuciyata. Kin ce kar mu rabu, na ba ki amanata. Kin ce na raɗa miki suna, na ba ki ƙanwata. Kin ce na yi miki kyauta, na ba ki zobena. Kin ce na saka ki nishadi, na ba ki kalamaina. Kin ce na faɗa miki kalmomi uku masu daɗi na ce Ina Son Ki. 

BATURE

Ado ba ya ƙarawa kyau ƙawa, kamar yadda sukari ba zai iya ƙarawa zuma zaƙi ba, a karon farko da na gan ki na gane cewa Baturen da ya yi kayan kwalliya ba don irin ku ya yi su ba. Daga kanki na fahimci cewa ita zinariya sai dai a yi ado da ita amma ba a taɓa yi mata ado, kalmar kyau kuwa idan ba a kanki aka laƙaba ta ba. To kuwa an yi aiki da ita a gurin da ba ta dace ba. Ina son ki.

HAWAYE

Duk yadda na kai ga ɓata miki rai ba zan bari hawayen ki ya kai ga zuba ƙasa ba. Da hawayen ki ɗaya ya ɗiga a ƙasa, to gwara a ce tun farko ban san ki ba, ballantana har ta kai ga na zamo silar zubar su daga idanuwan ki. 

RAƊAƊI

A duk lokacin da ki ɓata min rai na yi fushi, ke ma sai na ga kin yi fushin, wanda hakan yake nuna min zuciyar ki, ba za ta iya barin tawa kaɗai a cikin ƙunci ba. Za ta taya ta jin raɗaɗin tare, haka abin yake idan na kasance a cikin farin ciki, ke ma sai na ga zuciyar ki na taya tawa farin ciki. Ina son ki.

SAƘO

A duk sanda na turo miki saƙo na kan yi wata addu'a wato Allah ya sa idan kika karanta saƙon nawa ya saka ki murmushi. Ya kore damuwar da ke cikin zuciyar ki. Ya kuma sa ki fahimci cewa sai idan kin yi farin ciki ne kaɗai zuciya ke iya samun natsuwa. Idan akwai halittar da Ubangiji ya halitta domin ta saka wata halittar farin ciki a duniya. To ni kuwa Ubangiji ya halicce ni ne kaɗai domin na saka ki farin ciki. Burina a kodayaushe bai taɓa wuce ɗaurawa fuskar ki murmushi ba. Ina son ki.

SAUTI

A tarayyata da ke ban taɓa sanin wani abu da ba sunansa farin ciki ba. A zamana da ke kaf ban taɓa jin wani sauti da ba farin ciki yake amsawa ba. A tsawon lokacin da muka shafe a tare kuma idanuwana ba su taɓa karanta wata kalma da ba ma'anar ta farin ciki ba. Kin gina zuciyata da tubalin farin ciki ta yadda har abada sai dai na ji an faɗi kalmar damuwa ba dai na san ma'anar ta ba. Ina son ki. 

UKU

Da akwai abubuwa uku, da na na gajiyawa da su, kuma duk a kanki ne abar so na. Na ɗaya ba na taɓa gajiyawa da kallon ki a yayinda kike a gabana ko hoton ki a yayin da ba ki a kusa da ni. Na biyu, ba na taɓa gajiyawa da sauraren muryar ki yayin da kike magana da ni ko kike magana da wanina. Na uku, ba na taɓa gajiyawa da furta kalmomin yabo a gare ki, a gaban ki ko a bayan idon ki, ba abin da zuciyata ta sani face tunanin ki. Babu abin da bakina ya sani face furta kalmomin yabo a gare ki. Ina son ki.

Sanusi Kabir ne ya gabatar da su, wakilin mu ya fitar da su a rubuce, ga dukkan wanda yake son ya saurare su a ainihin yadda suke, zai iya sauke Audio ɗin ta hanyar latsa nan.

Ku ci gaba da kasancewa tare da mu a kodayaushe, don ci gaba da samun zafafan saƙonnin soyayya na saurare da na karantawa.

Karanta Sauran anan»

Karanta Labarin Gaggawa Da Hakuri Da Lokaci

Watarana, wasu matasa biyu Gaggawa da Hakuri suna tafe a cikin wani ƙungurmin daji mai suna Duniya, a ƙoƙarin su na neman wani lambu mai suna Nasara. Tare da su akwai wani yaro ɗan ƙarami, mai suna Lokaci, wanda yake yi musu rakiya.

LABARIN GAGGAWA DA HAKURI DA LOKACI

Hoto: PNGTREE

 

Marubuci: Muhammad Musa Yelwa

Su na tafe suka isa wani kwazazzabo mai yawan duwatsu, wanda kuma a wurin ne ɗan rakiyar tasu Lokaci ya yi tuntuɓe da dutse, ya faɗi! Kodayake, ya lallaɓa ya yi ƙarfin hali ya tashi, sai dai yanzu tafiyar tasa babu sauri, sakamakon jan-ƙafa da yake yi.

Su na cikin wannan hali ne kuma Gaggawa ya hango wancan lambu da suke ta faman nema. Don haka, nan take ya ruga a guje, ya nufi wurin.

Lokaci ya ƙwalla masa kira:

“Haba Gaggawa, ya za ka yi mana haka? Ka jira mu mu shiga tare mana.”

Gaggawa ya ci gaba da gudunsa, ba tare da ya ko waiwaya ba. Ganin haka, Haƙuri ma ya ƙara ɗaga murya, yana cewa: “Kai kuwa wanne irin ci-da-zuci kake haka? Ka tsaya mu mana.”.

Gaggawa ya juyo a fusace ya ce da shi: “Kai rufe min baki, ni ba ni da kai.”.

Lokaci ya juya ya dubi Haƙuri ya ce: “Ka ji fa, wai ba shi da kai. Yana nufin ya haukace ne?”.

Haƙuri ya ce: “A’a, yana nufin dai ba shi da kai ne, wataƙil.”

Lokaci ya gyaɗa kai, sannan ya ce: “To kai me ya hana ka ka bi shi?”

Haƙuri ya ce: “Ni ba na tashi ai.”

Lokaci ya ce: “Kana nufin ba ka da fuffuke kenan?’’

Ya ce: “Ina nufin ba na gaggawa.”

Lokaci ya ce: “To me ya sa?”

Ya ce: “Saboda ina sane da cewa, ko da na je zan taar da ƙofar lambun a rufe. Tun da dai babu wani abu da yake faruwa ba tare da lokaci ba. kuma ga ka a nan.” 

Lokaci ya yi murmushi, sannan ya ce: “Hakika ka yi kyan kai. Tabbas mabuɗin yana tare da ni, amma tun da ka yi haƙuri, karɓi mukullin daga yau na ba ka kyauta, ya zama naka.” 

Suna ƙarasawa bakin lambun kuwa, Haƙuri ya sa mabuɗi ya buɗe lambun Nasara, ya yi bankwana da lokaci ya shiga. Yana tunanin shin ko a ina Gaggawa ya maƙale!?”

Yayin da Lokaci ya juya don ci gaba da tafiya, sai ya hangi Gaggawa kwance magashiyyan a bayansa, yana numfarfashi, ashe zuwa ya yi ya riƙa bangazar ƙofar ba ta buɗe ba har sai da jikinsa ya yi la’asar (Sanyi). Can cikin wata murya mai raurawa, ya ce wa Lokaci: “Don Allah ko akwai wani mabuɗin ka taimaka ka ba ni, ni ma na shiga?”

Lokaci kuwa ya ce da shi: “Ai mabuɗin Nasara ɗaya ne, kuma tuni yana tare da Haƙuri. Da ka yi haƙurin jira na, da ka samu, amma da yake ba ka yi ba, ga shi nan har na riga na wuce. Kuma ni idan na wuce ba na dawowa baya.” .

Don ci gaba da samun ire-iren waɗannan, ku ci gaba da kasancewa tare da mu a kodayaushe.

Karanta Sauran anan»

Karanta Zafafan Sakonnin Barka Da Sallah Na Zamani Masu Ratsa Sassan Jiki Da Zuciya

KYAWAWA

Na ga kyawawa amma ban ga tamkar ki ba. Na ga lalle amma ban ga irin naki ba. Sun saka kaya, amma ba su yi musu kyau irin naki ba, ba wai zuzuta ki nake ba, idan na ce da a ce kin bai wa maza fuska a yau, da kuwa na rasa ki. Hmm kyawu sai mai shi. Ado sai gidansa. Barka Da Sallah 'Yammata. Ina son ki!

Saƙonnin Barka Da Sallah

Hoto: Freepik

BURGE

Abin da zan faɗa miki a yau, abu ne wanda da a ce madubi yana magana, zai faɗa miki kafin ni, kin haɗu, ma'ana kin yi matuƙar haɗuwa, duk namijin da kika wuce ta gabansa, koda bai faɗa ba a zahiri kin ji ba, na tabbata dole a zuciyarsa sai ya ce MASHA ALLAH!. Ba maganar mata ake ba, don ko ba a faɗa ba, dole za su yi miki hassadar kyawun da kika yi. An matuƙar burge ni. Barka Da Sallah. Ina son ki!

SAFIYA 

Kyakkyawar safiyar rana ta musamman zuwa ga wacce murmushin ta kaɗai haske ne, da ka iya kore duhun zuciyar namiji ko shi wane ne, ko ba lalle sabon ɗinki ko kwalliya, ɗari bisa ɗari na yi imani sai kin fi kowa haskawa a yau, ba na shakka na saka ko nawa ne kan cewa sai kin fi kowacce mace ɗaukar ido da samun makalla (Masu kallo/Masu Gani). Na yarda da gwanata. Barka da sallah. Ina son ki.

HOTO

Kwanaki talatin, sa'o'i ɗari bakwai da ashirin, mintina dubu arba'in da uku da ɗari biyu, daƙiƙu miliyan biyu da ɗari biyar da dubu casa'in da biyu, na shafe ina kintata yadda kwalliyar ki ta yau za ta kasance, na bijiro da hotunan ki cikin kwalliya daban-daban, amma har zuwa yau ƙwaƙwalwata ta kasa tsai da hoto ɗaya wanda ya dace da irin kyawun da za ki yi a yau. Ina fatan ko ban zamo na farko ba, kada na zamo na ƙarshen da zai ga irin kyawun da kika yi a yau.

KWALLIYA

Kin fasa zuciyata da kwalliyar ki 'Yammata, kin ƙafar da ruwan idanuwana gurin kallon ki, kin hana bakina rufewa da haɗewar ki, kalma ɗaya tak ta rage a kalaman bakina shi ne an burge ni. Kyawun da kika yi a yau 'Yammata ya wuce na ce komai face Allah ya kare min ke daga masu kambun ido. Barka da sallah.

ƊARI

Idan za ki rayu na tsawon shekaru ɗari a duniya, ni kuma zan so na rayu na tsawon shekaru ɗari ba ɗaya, domin ba zan so na rayu a cikin wunin da babu ke a cikin shi ba. Idan ma'anar soyayya shi ne fifita farin cikin wanda kake so fiye da naka farin cikin. To, kuwa har abada 'Yammata farin cikin ki ne a saman nawa farin cikin. Sannan saka ki farin ciki nauyi ne a gare ni, wanda matuƙar ban sauke wannan nauyin ba, har abada ba zan taɓa samun natsuwa a zuciyata ba. Ina son ki.

SOYAYYA

Idan na faɗi a ko'ina ne zan tashi na ci gaba da tafiya, amma daga lokacin da na faɗi a soyayyar ki wataƙil ba zan kuma tashi na tsawon rayuwata, faɗuwa a jarabawa ko a neman aiki da kasuwanci ba sa tayar min da hankali. Babban taraddadin zuciyata shi ne zamo wa mara nasara a soyayyar ki, fatana a kodayaushe na yi nasara a zuciyar ki, burina a kullum na mallake ki a matsayin mata a gare ni. Idan wannan burin nawa ya cika, har abada ba na da wata sauran damuwa. Ina son ki 'Yammata.

FUSKA

Zama a kusa da ke ko babu aikin komai shi ne kusan komai a gare ni, aikin kallon kyakkyawar fuskar ki kaɗai ya fiye min duk wani aiki da zan yi, domin kuwa 'yammata bambancin aikin kallon ki da sauran ayyuka shi ne sauran ayyuka gajiyar da ni za su yi. Aikin kallon ki kuma kore min gajiyar zai yi, don haka nake ganin shafe tsawon rayuwata ina aikin kallon ki ba zai taɓa gajiyar da ni ko ya sa min damuwa ba. Ina son ki.

TARIHI

A gurina duk ranaku ɗaya ne, idan ban da ranar da na fara ɗora idanuwana akan kyakkyawar ki, wannan ranar kam daban ce, tana da rubutaccen tarihi a zuciyata, tana da keɓantaccen muhimmanci a rayuwata, kuma tana da haske na musamman a raina, 'Yammata samun ki babbar ni'ima ce a gare ni, domin kuwa da shigowar ki rayuwata kika sauya komai a tare ni, kika ba ni farin ciki a madadin damuwa, kika ba ni haske a madadin duhu. Ina son ki.

TAMBAYA

Ke ce ranar da ke haska wunina, iskar da ke kaɗawa a sararin duniyata, numfashin da yake rayar da gangar jikina, haka ma wacce sunan ta ne rubuce a tarihin rayuwata, 'Yammata idan za ki tambaye ni ina son ki kuwa? Amsa ta a kullum za ta kasance sosai ma kuwa. Idan za ki tambaye ni zan iya barin ki a rayuwata? Amsa ta ga wannan tambayar shi ne koda wasa. Idan kuwa tambayar ki ta kasance wacce mace ce na fi so a rayuwata? Ko ƙarisa tambayar ba za ki yi ba, zan tare ki da amsar cewa ke ce.

FUSHI

Duk tsananin hasken da rana take da shi, hasken ta bai taɓa haskawa cikin zuciyata ba, amma shigowar ki rayuwata, sai ga shi hasken ki ya haske zuciyata fiye da yadda rana ke haska duniya, da haska zuciyata da kika yi, a yau kin zamo nuril ƙalbi (Hasken zuciya) kuma nuril hayati (Hasken rayuwa), 'Yammata zuwan ki cikin rayuwata ya kore dukkan duhun da na kasance a ciki, ke alkhairi ce a gare ni 'Yammata, ba zan taɓa rabuwa da ke ba, ba zan taɓa iya fushi da ke ba. Ina son ki.

KYAUTA 

Ni kawai roƙar Allah na yi ya ba ni azurfa, gwanin kyautar kuma sai ya ba ni zinare, ban taɓa sa ma kaina dogon burin samun kyakkyawar mace tamkar ki ba a rayuwata, amma sai ga Ubangiji ya ba ni ke 'Yammata, macen da ta fi kuma ta zarce sauran mata, wacce a matsayi sai dai a kira ta da gimbiyar mata, a ƙananun shekaru autar mata, a ilimi da sanin ya kamata kuma dole a kira ta da sayyadar mata, a zubi tsari da kyawun surar ki dole a kira ki sarauniyar mata ko maƙiyin ki ne ya ce ba ya son ki, bakinsa ne yake faɗar abin da ba shi ba ne a zuciyarsa ba. Ina son ki. 

DUNIYA

Zan saka ki farin ciki yayin da kika shiga damuwa, zan saka ki dariya yayin da wani ya ɓata ran ki, zan zamo bango yayin da kike buƙatar dafawa, zan zamo ƙwarin gwiwar ki yayin da kike da wani buri da kike son cimma wa, 'Yammata ko na faɗa ko kar na faɗa abu ne da kowa zai iya fahimta a tare da ni cewa na kamu da matuƙar son ki. Idan na kira ki da jannati, wannan don zamowar ki Aljannar Duniyata ce. Idan na kira ki da hayati, wannan don kin kasance rayuwata ce. Ina matuƙar son ki Jannati. Ina son ki!

Sanusi Kabir ne ya gabatar da su, wakilin mu ya fitar da su a rubuce, ga dukkan wanda yake son ya saurare su a ainihin yadda suke, zai iya sauke Audio ɗin ta hanyar latsa nan.

Karanta Sauran anan»

Hikimomin Rayuwa 5 Ga Masu Son Cimma Nasara

1. SAURARON GAZAWARMU – KARƁAR TSOKACI: Wato mafi yawanci muna da matsala wajen sauraron matsalolin mu, ko a ci gyaran mu. Hikimar sauraron tsokaci na ɗaukar lokaci wajen koyo da ƙwarewa, kuma yadda ake yi shi ne, ka kau da duk wani abu da kake ji a cikin zuciyarka, ka mayar da hankali akan bayanan da ake ba ka. Wani gyaran yana da amfani, wani kuma ba shi da shi. Ka yi amfani da ƙwaƙwalwarka wajen tantancewa, ba zuciyarka ba.

Hikimomin Rayuwa

Hoto: Unsplash

Marubuci: Bello Galadanchi

2. MIƘEWA BAYAN FAƊUWA: Kar ka karaya. Ka miƙe, ka watsake, sannan ka yi amfani da darrusan da ka koya domin ƙara wa kanka ƙarfin zuciya da taurin rai domin shiryawa gaba. Wannan hikima tana da wahala, amma sinadari ne mai muhimmanci idan har kana so ka samu ci-gaba a rayuwa.

3. BADA HAKURI: Dole sai ya fito daga zuci, kuma ka bayyana yadda za ka yi ƙoƙarin kiyayewa gaba. Kar ka bada haƙuri kamar haka:

"Ka yi hakuri saboda na ɓata maka rai. Hanzari nake shiyasa na yi wannan kuskure."

Ka gani anan, haƙurin ya mayar da hankali ne akan yadda wanda aka ɓatawa rai yake ji, ba abin da ka yi ba da yadda za ka kiyaye. A guji bada irin wannan hakuri.

Ga misali mai kyau:

"Ka yi hakuri saboda laifin da na yi. Na makara ne wajen tashi daga bacci shiyasa ban iso da wuri ba. Nan gaba, zan kwanta da wuri, sannan zan yi amfani da wayata wajen tuna min da lokacin da ya kamata na tashi."

4. GODIYA: Ka tantance mutanen da ke ba ka goyon baya da faranta maka rai, sannan ka bayyana musu yadda kake ji. Ka tabbatar sun san cewa suna da matuƙar muhimmanci a rayuwarka, kuma kana matuƙar darajanta su. Babu wanda zai iya rayuwa shi kaɗai a duniyar nan, saboda haka ka zama mai mutunci da zumunci.

5. FAHIMTAR ABUBUWAN DA SUKA FI MUHIMMANCI: Ka tabbatar ka yi amfani da lokacinka da kadarorinka akan batutuwan da suka fi muhimmanci. 

Mutane da yawa na cakuɗa abubuwa da yawa a rayuwarsu ta yau da kullum saboda ba su san ko mene ne ya fi muhimmanci ba.

Ka rubuta duk abubuwan da kake aiki akai, sannan ka jera su daga wanda ya fi muhimmanci a farko, zuwa wanda ba shi da tasiri sosai a ƙarshe. Ka rubuta lokutan da za ka aiwatar da su, sannan ka fara aiki. 

Allah Ya shige mana gaba.

Karanta Sauran anan»

Ku Hanzarta Sauke Zafafan Sakonnin Barka Da Sallah Na Zamani Audio Na Sanusi Kabir

Wannan Audio na "Barka Da Sallah Na Zamani" cike yake da zafafan saƙonnin soyayya masu ratsa sassan zukatan masoya, waɗanda su fi dacewa da masoyan zamani.

Saƙonnin Barka Da Sallah

Hoto: Dreams Time

Sanusi Kabir wanda aka fi sani da Limamin Masoya, ba ɓoyayye ba ne  a fagen nishaɗantar da masoya.

Idan har kana soyayya, lallai wannan Audio na Barka Da Sallah Na Zamani zai faranta maka rai, haka ke ma idan kina yin soyayya, za ki ji daɗin shi, kar ku sake a ba ku labari.

Bidiyo na saurare kawai

Audio ne wanda Sanusi Kabir ya shirya, ya kuma tsara, sannan ya gabatar da shi da kansa, don jin daɗin masoya.

Lallai kada ku bari a ba ku labari.

Idan kana da matsala a Soyayya musamman wajen rubuta Saƙonnin Soyayya ko furta lafazin soyayya, don yabon kwalliyar masoyiyarka, ko don aika mata da saƙon barka da sallah, ba shakka wannan zai nishaɗantar da kai ya kuma ƙara inganta tasirin soyayyar ta a farfajiyar zuciyarka. 

Ya kuma taimaka maka wajen tura wa masoyiyar ka saƙonnin soyayya na zamani.

DUBA WANNAN: Sauke Zazzafan Sakon Barka Da Shan Ruwa Audio Na Sanusi Kabir 

Idan har kana sauraro to ba za ka san lokacin da shauƙin soyayya zai ziyarci farfajiyar zuciyarka ba. Abin dai ba a magana.

Wato tsayawa bayyana abin da wannan maƙala ta sauti ta ƙunsa kamar ɓata lokaci ne, abin sai wanda ya saurara.

Kar dai mu cika ku da surutu ku hanzarta sauke Audio na Barka Da Shan Ruwa yanzu a kyauta, domin sauraro cikin natsuwa da kwanciyar hankali.

SAUKE ANAN

KADA KU SAKE A BA KU LABARI

Da fatan zai nishaɗantar, ya kuma zama silar ƙarfafa alaƙa a tsakanin masoya.

Ku ci gaba da kasancewa tare da mu a kodayaushe, don ci gaba da samun zafafan saƙonnin soyayya na saurare da na karantawa.

Karanta Sauran anan»

Hukunce-Hukunce 8 Na Rancen Airtime Na Layi

A Azumin bara (1436H) an mini tambaya game da bashin da kamfanin MTN yake ba wa masu mu’amala da shi. Ka ranci airtime na misalin N50, a ba ka na N45. A karon farko na bayar da amasar cewa, Haramun ne! Kuma zai shi ga babin ribal Qardh!.

Hukuncin Rancen Airtime Na Layi

Hoto: Tingtel

Marubuci: Dr. Muhammad Sani Umar Rijiyar Lemo

Daga baya na janye wannan fatawar saboda yadda na ƙara fahimtar mas’alar, na ba da fatawar halaccin ta, saboda dalilai kamar haka:

1. Wannan mas’ala ba bashi ne na kuɗi da kuɗi ba, ballantana batun ribal Kardh ta zo.

2. Abin da yake haƙiƙanin mas’alar shi ne, wani ne mai amfani ne da wannan kamfani na MTN ya sayi hidima ta aritime (airtime service) wadda suke sayar da ita N45, sai suka sayar masa ita a N50.

3. Kasancewar an ambaci kuɗi a ciki ba shi yake tabbatar da cewa kuɗi da kuɗi ne aka yi musanyan su ba. An yi musanyan kuɗi ne da wata hidima (airtime service) wanda masu ita suka ƙi ba shi ita a farashin da suke sayar da ita kuɗi hannu, suka ƙara masa wani abu akai. Wannan ba komai ne ba a shari’ance ba, saboda kayansu ne, suna da damar su yi maka ƙari kamar yadda suke da damar su yi maka ragi, kuma ka karɓa.

4. Abin da zai tabbatar maka da cewa, wannan abin da ka nema su ba ka ba tsurar kuɗi ne ba, hidima ce kawai, wanda aka ba shi ita a wayarsa ba za iya sayen komai da wannan ba a gurin wani ya ce yana da kuɗin biya a gurinsa, a she ka ga ba kuɗi ne ba, koda an rubuta alamar kuɗi a tare da shi.

5. Kamar yadda ya halatta katin waya na N100 a sayar wa da mai buƙata akan N110, duk da cewa ga shi a rubuce an rubuta N100. Ko a sayar masa da shi N95, wanda babu wani masani da ya taɓa cewa, wannan riba ce ko haramun ne, saboda musanyar kuɗi da kuɗi ne. Domin alal haƙiƙa wannan katin wayar mai ɗauke da N100 a kansa ba kuɗi ne ba, wata hidima ce, aka yi mata ramzi da wannan 100, shi ya sanya da zarar ka kankare ka shigar da ita cikin wayarka  za ka jefar da wannan katin tare da cewa an rubuta kuɗi a jiki, To wannn masa’al ta rance kamar haka take, don haka, duk wanda ya haramta wannan to wajibi ya haramta sana’ar sai da kati. Wanda ba na  jin akwai mai faɗar hakan.

6. Don haka ba magana ce ta an ba ni fatawa a baibai ba, magana ce ta sake nazari akan fatawar farko, wanda wannan abu ne sananne a gurin manyan malamanmu magabata da suke canza fatawoyinsu yayin da wasu dalilai suka bayyana gare su.

7. Wannan matsaya kuma shi ne matsayar wasu daga cikin abokai na ɗaliban ilimi bayan sun kalli mas’alar ta mahanga lilimi da sanin abin da ake kira riba, daga cikinsu akwai abokina Dr. Bashir Aliyu Umar kamar yadda daga baya na samu labari. 

8. Daga ƙarshe ina kira ga sauran ‘yan uwana ɗiliban ilimi mu yi kaffa-kaffa wajen sakin baki game da sha’anin halal da haram, al’amarin yana da haɗari. sanin madafar shari’a ta wanda ya karanta ta ne.

Allah ya sa mu dace. Amin. 

Karanta Sauran anan»

Karanta Sababbin Hadaddun Kalaman Barka Da Sallah Na Musamman

BUGUN ZUCIYA

Tamkar yadda duk taurari su zamo 'yan rakiyar zahra, to haka duk matan duniya su kasance 'yan rakiya a gare ki. A wannan ranar farin ciki, zan so a ce farin cikin ki ya zarce na kowa, tamkar yadda kwalliyar ki ta fi ta kowa, haka ma nake son murmushin ki ya zarce na kowa. Fatima ba zan iya cewa ga irin kyawun da za ki yi ba a yau, amma tabbas zan iya cewa, babu wani ido wanda zai kalle ki sau ɗaya, bai ji yana son sake kallon ki a karo na biyu ba, domin kwalliyar ki ta fi a bar ki ki yi tafiya a kan ƙasa Fatima. Ina yi miki Barka Da Sallah Fatima Mami bugun zuciyata, kuma farin cikina, daga naki Real Ababiyo. Ni Real Ababiyo nake cewa da ke, na gode tare da Barka Da Sallah!

Barka Da Sallah

Hoto: Dreams Time

MURMUSHI

Ki kan saka ni murmushi, koda kuwa a sanadin ki ne nake fushi, kin san dalili? Ba zan iya kallon kyakkyawar fuskar ki a lokacin da na shiga damuwa ba, face sai wannan damuwar ta wanke daga zuciyata. Ubangiji bai saukar da cuta ba, sai da ya saukar da maganin ta. Don haka, har kullum ina farin ciki da cewa, na same ki a matsayin maganin cututtukana. Dukkan wata cuta da ke damuna, ke ce maganin ta, ba lallai ki sani ba, amma ni dai na sani ke ce maganina. Barka Da Sallah. Ina son ki, ina ƙaunar ki. Ina Son Ki!

KWALLIYA

Idan zan bai wa kowacce mace maki da na gani bisa kwalliyar ta, to kuwa bisa adalci, ban ga wacce ta kai na ba ta ɗaya bisa ɗarin maki ba, amma duk da cewa ban ga taki kwalliyar ba, ina mai sanar da ke a matsayin wacce ta lashe gasar kwalliyar wannan ranar, kin ci ɗari bisa ɗarin maki. Ina son ki!

TSORO

Masoyiyata kin san ne mene ne? Sabo da kallon ki da na yi, duk wacce na gani a taron idin nan, sai na riƙa ji tamkar turo ta aka yi ta ba ni tsoro, ban ƙara gasgata kyawun da kike da shi ba, har sai da na tsinci kaina a tsakiyar waɗanda ba sa da kyan. Da fatan kin yi sallah lafiya? 

KISHIYA

Tamkar yadda jan fure ba zai yi wuyar gane wa a cikin koren ciyayi ba, to haka ma ko a cikin mata miliyan kika kasance, ba za ki yi wuyar ganewa ga wanda ya kalla ba. A gurin kyawu kam, ban taɓa ganin kishiyar ki ba. Fatana dai kin yi sallah lafiya?

MATSALA

Na tafiyar da kowacce daƙika ta daren jiya cikin tunanin ki, ban iya yin tunanin komai ba, har gari ya waye, bayan na tafi sallar idin, na yi mamaki, ganin cewa duk macen da na kalla, fuskar ki nake gani a cikin ta ta, hakan kaɗai ya sa na gane cewa, idan ban gan ki  a yau ba, to akwai matsala. Barka Da Sallah.

MUTUWA

Farin cikin ki ne, farin cikina. A kodayaushe ina son kasancewa a gefen ki, ina son zama kusa da ke, ba na son na yi nesa da ke idan ba dole ba.  A gaskiya ina son ki. Ke ce rayuwata dukkan ta, abokiyar zuciyata, ina matuƙar son ki, ke komai ce a gare ni, ba zan rabu da ke ba, idan ba mutuwa ba ce ta ɗauki raina ba. Ina son ki 'yammata. Barka Da Sallah. Ina son ki!

KEWA

Wannan saƙona ne na Barka Da Sallah zuwa gare ki Maryam Malesh. Yau rana ce ta farin ciki, amma lokaci mafi farin ciki a gare ni, shi ne lokacin da na samu kaina a gaban ki, anan ne zan ba wa idanuwana abin da su daɗe su na son gani. Zan ba wa kunnuwana sautin da su daɗe su na son ji, sannan zuciyata za ta samu farin cikin da ta daɗe ba ta samu kamar sa ba, a duk lokacin da na tsaya a gaban ki, zan so ki dubi cikin idanuwana, za ki ga yadda su yi kewar ki, sannan za ki ji yadda zuciyata take buga wa a domin ki, Maryam Malesh ba ni da irin ki a raina, ba ki da tamka a raina, haka kuma ba ni da kamar ki. Ni nake yi wa Maryam Malesh Barka Da Sallah, fatan kin yi sallah lafiya? Daga naki Real Ababiyo, na gode da saurarena.

Ba zan iya tuna halin da na kasance ba kafin haɗuwar mu, amma tabbas zan iya faɗar halin da zan iya tsintar kaina a ciki, idan har nan gaba rabuwa ta shiga tsakanin mu, ba lallai ba ne ki fahimci damuwata ko abin da nake nufi ba, amma dai ina gujewa kaina rasa ki, rasa ki a gare ni babbar jarabawa ce,  wacce ba lallai ba ne na iya cinye ta ba, ba na fatan Allah ya jarabce ni ta hanyar raba ni da ke ba. Ina son ki, ina burin kasancewa tare da ke, har iya ƙarshen rayuwata, ba na son na yi nesa da ke idan ba dole ba. Barka da sallah. Ina son ki.

MURNAR SALLAH

Aminci a gare ki Hafsat, na turo miki wannan saƙon ne domin taya ki murnar wannan rana wato sallah. A wannan rana na san farin cikin kowa, wunin ne, yayin da ni kuma farin cikina ke ce ba wunin ba, domin na san duk tsayin wunin ba zai wuce sa'o'i goma sha biyu ba, ya wuce, yayin da ke kuma za ki kasance a cikin zuciyata na tsawon lokacin da zan kasance a raye. Kwanaki ɗari uku da sittin na shafe ina jiran zuwan wannan ranar da zan ce miki Barka Da Sallah. Ina yi miki fatan kin yi sallah lafiya? Malama Hafsat.

RAYE

Ina son ki ne domin ban san wata macen da ta kai ki ba. Ina son ki ne domin ban taɓa ganin wata macen da ta kai ki ba. Ina son ki ne domin na gamsar da ke cewa, ke ba kamar sauran mata kike ba, kafin na haɗu da ke ban san dalilin zamo wa ta a raye cikin wannan duniyar ba, amma kuma bayan haɗuwa ta da ke, na gane cewa soyayyar ki ce dalilin da ya sa nake rayuwa a wannan duniya. Ke rayuwata ce, ke masoyiyata ce, ke komai ce a gare ni. Ina son ki, sama da yadda zan iya faɗa miki, ke ce rayuwata, sannan ina yi miki Barka Da Sallah. Ina fatan Allah ya maimaita mana bai-ɗaya. Ina son ki! 

DUHU

Da so samu ne, a ce na zamo mutum na farko da ya fara ganin ki a wannan safiya, duk da cewa ko wanka ba ki yi ba a yanzu, amma na tabbata komai kankantar hasken alfijir ya isa ya kore tarin duhun dare. Da fatan kin tashi lafiya, kuma kin wayi garin wannan rana mai albarka ta sallah. Ina son ki!

Yayinda kowa ke ɗokin shan ruwa da cin abinci, ni kuma zuciyata ta kasa yin ko ɗaya, domin a ganina ko duka ruwan duniya zan shanye ba za su iya gusar min da ƙishirwar da zuciyata take ji a sanadin soyayyar ki ba, har sai idan na gan ki ne zan iya ci ko na sha. Ina yi miki barka da safiyar sallah.

SAFIYA

Da yawa sun sa ran za su wayi garin wannan safiya, amma Ubangiji bai ba su damar hakan ba, mu da Allah ya albarkaci rayuwarmu da ganin wannan rana, mu gode masa tare da addu'ar shaida wasu ranakun sallar anan gaba. Ina yi miki barka da safiyar sallah.

AGOGO

A yau farin cikina ba ranar ba ne, face wacce nake sa ran gani a ranar, farin cikina ba na waɗanda za su kawo mana ziyara ba ne, face wacce zan kai wa ziyara da kaina. Da kowacce bugawar agogo nake ƙara ƙaguwar son ganin ki, kin tashi lafiya? Barka da wannan safiya ta sallah.

MUSAMMAN

A wannan rana ta musamman, nake miƙo gaisuwa ta musamman, ga wacce ta kasance ta musamman, a jerin mutane na musamman a rayuwata. Barka da safiyar wannan rana mai albarka. Ina son ki.

JIRA

Na tsani jira a rayuwata, amma idan ke ce wacce zan jiran, to kuwa zan iya jira na tsawon rayuwata, ba tare da gajiyawa ba, kowacce daƙika da na shafe ina jiran ki, daɗa farin ciki zai a zuciyata, hakan na nufin adadin zaman jiran ki da na yi, adadin farin cikin da zan riƙa samu a zuciyata. Jiran ki abin so ne a gare ni, ba na taɓa gajiyawa da shi, kowacce daƙika na ɓata a tare da ke, abar farin ciki ce a gare ni. Ina son ki 'Yammata. Barka da sallah, ina son ki.

MATATA

Da tafiyar kowacce daƙika ta rayuwata nake ƙara nisa a tafiyar soyayyata da ke, a yanzu Hafsat na yi nisan da wani kira ba zai taɓa sa wa na juyo ba, duk da cewa waiwaye adon tafiya ne, amma tabbas na yi imani ba zai taɓa zamo wa ado a tafiyar soyayyata da ke ba. Ina son ki Hafsat, ina matuƙar ƙaunar ki a raina, soyayyar da nake yi miki a raina Hafsat ta sanya na daina ganin mata a matsayin mata, face dai maza 'yan uwana, a cikin dukkan mata, ke kaɗai ce idona yake gani a matsayin mace. Ina son ki Hafsat, kuma ina mai tabbatar wa da duniya irin ƙaunar da nake yi miki, idan har na same ki Hafsat, zan yi farin ciki, irin farin cikin da ake cewa daɗi kashe ni. Idan na samu Hafsat a matsayin matata, to kuwa farin cikin da zan yi, har yanzu babu tunanin sa a raina. Hafsat ina gani idan na same ki, to na kammala abin da ya kawo ni duniya. A duniya dai kam, na gama dacewa, sai dai na yi kokari lahirata ta yi kyau, da auren ki zan samu rabin addinina, yayin da zan ƙara cike addinin ta hanyar kyautata miki. Ina son ki Hafsat Amira, ina ƙaunar ki Amira. Wannan saƙon daga tumaturin ki ne Hamza. Fatana dai kyakkyawata, ta yi sallah lafiya? Ina son ki, na gode da saurarena da kika yi. 

FARIN WATA

Ke kalli sararin sama, ko za ki iya faɗa min dalilin da ya sa farin wata bai fito ba a yau? To, ni na san dalili, kunyar haɗa ido yake yi da ke, ban san mai yasa ba amma na tabbata idan ya fito a yau, hasken ki ba zai bari nasa ya haska ba, kin fa yi kyau 'yammata, kyau sosai fa nake nufi. Ina son ki, kin ji. 

ZOLAYA

Da farko, da na ga wannan kwalliyar taki, bakina kasa rufewa ya yi, wallahi ban san me zan ce ba. Idan na ce kin yi kyau, na rage miki matsayi, kada ki ji kamar zolayar ki nake yi, wallahi har a raina nake faɗa miki hakan, kin yi min kyau sosai 'Yammata, ji nake tamkar na sace ki na tafi da ke, ba wannan ba ma, wai Don Allah mintina nawa ya ɗauke ki kina tsara wannan kwalliyar? Hmm 'Yammata, ko ma mintina nawa ne ƙanwata, wannan kwalliyar ba ta da tsara, na rantse.

TANTAMA

Da akwai jimloli guda uku, da ba na faɗa wa kowa su bayan ke, kuma a duk sanda na faɗa miki su, ba na nufin wasa, har a raina da gaske nake. Idan kika ji na ce ina son ki, to wallahi har a raina da gaske nake. Idan kuma ki ji na ce kin yi kyau, to har a raina hakan nake nufi, da kuma duk sanda ki ji na ce ba zan iya rayuwa ba tare da ke ba, to kar ki yi tantamar hakan, kin fa yi kyau fa? Hmm  ina mai miki Barka Da Sallah.

ƘANWATA

Kin san mene ne? Sai yanzu idanuwana su samu damar karya nasu azumin, wai ta ya zan iya daina kallon ki ma? Da wannan kwalliyar dai babu wanda zai kalle ki bai ji yana son sake kallon ki ba, wallahi ƙanwata kin haɗu, haɗuwa sosai fa,  Allah dai ya tsare min ke, kar wani ya ƙwace ki daga hannuna, ke wallahi kin yi kyau sosai!

TSAWON RAYUWATA

Ana cewa, idan kana son mutum da gaske, koda za a samu dalilai dubu, da ya kamata a ce ka rabu da shi, domin su, har kullum za a samu cewa, ka nemo dalillai dubu da za a samu cewa ka ci gaba da zama da shi, na iya tsawon rayuwarka. A gurina, ban taɓa samun dalilin rabuwa da ke ba, amma a kullum sai kin ba ni wani dalilin ci gaba da son ki na iya tsawon rayuwata. Ina fatan na samu tsawon rai ne, domin na yi soyayya da ke. Ina matuƙar son ki, barka da sallah. Ina son na rayu da ke, na ci gaba da rayuwa da ke, na iya tsawon rayuwata. Ina son ki!

HUBBI

Aminci a gare ki, Habiba Hubby, da fatan wannan saƙon nawa ya same ki cikin daddaɗan yanayin da za ki iya fahimtar siyaƙin sa. Na turo miki wannan ne domin na taya ki murnar wannan rana mai albarka wato sallah.  A wannan rana na san farin cikin kowa, wunin ne, yayin da ni kuma farin cikina saɓanin yadda suke tunani ne, ke ce farin cikina, ba wunin ba, domin na san duk tsayin wunin ba zai wuce sa'o'i goma sha biyu ya wuce. Yayin da ke kuma za ki ci gaba da kasancewa a cikin zuciyata na tsawon lokacin da zan kasance a raye. Habiba Hubby, na tsawon waɗannan kwanaki talatin da mu shafe muna azumi, babu abin da zuciyata ta kasance tana yi face tunanin ki, babu abin da idanuwana su kasance su na son gani face fuskar ki, haka ma babu sautin da kunnuwana su daɗe su na mararin ji sama da sautin muryar ki. Ina so a yau, na yi tozali da kyakkyawar halittar da Allah bai taɓa nuna min kalar ta ba. Ina so a yau na ga kyakkyawar sarauniyar da ko a jaridu labarin kyakkyawar da ta kai ta, bai taɓa zuwa ba, ina so a yau na samu kaina a gaban kyakkyawar hubbina, ina so na samu kaina a gaban ki, ina mai furta miki ina son ki, ina mai furta miki irin yadda na yi kewar ki a raina, wallahi Hubbi, na yi kewar ki.

A lokacin da na fara ganin ki, babu abin da na fara tsoro sama da na faɗa miki cewa ina son ki, amma daga lokacin da na sanar da ke cewa ina son ki, babu abin da ya fi ba ni tsoro sama da rasa ki. Hubby, idan na rasa ki, na rasa rayuwata, ba zan iya rayuwa ba tare da ke ba. Hubby ki fahimci irin yadda nake son ki, wallahi idan na rasa ki, zan rasa raina. Idan na rasa ki Hubby, a ina zan iya samun wacce ta kai ki? Don haka, rasa ki na nufin rasa komai a rayuwata. Idan na rasa ki, ba abin da zan tsaya tsinta a wannan duniya, dole na yi bankwana da ita, kar Allah ya nuna min wannan rana, da zan cewa duniya sai watarana.

Hubbina kin ba ni soyayyar ki, a lokacin da ya kasance cewa ba ni na fi kowa ba,  sai dai don ya kasance cewa ni kika zaɓa.

Hubbina, kin bar kowa, kin riƙe wanda ba kowa ba. Yayin da kika mai da wanda ba kowa ba, ya zama kowa a gare ki. Idan har zan iya manta wannan halarcin naki a gare ni, to kuwa har abada ba zan iya yafe wa kaina ba. Habibah zan kula da soyayyar ki, sama da yadda zan iya kula da rayuwata, haka kuma zan riƙe amanar ki, tamkar dai yadda ki riƙe tawa, ba sunana Shafi'u ba, idan har na iya bari zuciyar ki ta san wani abu koma-bayan farin ciki. Na gode da saurarena.

SAURARE

Za ki ji cewa kamar na fiye faɗa miki kalmar Ina Son Ki, ba wai ina yin hakan ba ne don sabo da na yi da furta hakan a gare ki, ina faɗa miki Ina Son Ki ne domin daɗa tunatar da ke cewa, ke ce rayuwata, matuƙar dai kika bar ni, to ni ma zan iya barin duniyar, kada ki ƙosa ko ki gajiya da saurarena yayin da nake faɗa miki cewa "Ina Son Ki". Domin ina son ki ɗin, amma ki tuna ban da kowa bayan ke, ke kaɗai nake so. Kuma ke kaɗai nake burin kasancewa tare da ke, har ƙarshen rayuwata. Ina son ki da dukkan zuciyata.

Sanusi Kabir ne ya gabatar da su, wakilin mu ya fitar da su a rubuce, ga dukkan wanda yake son ya saurare su a ainihin yadda suke, zai iya sauke Audio ɗin ta hanyar latsa nan.

Karanta Sauran anan»

Shin Ya Dace Dukkan Mata Su Fita Sallar Idi?

Sunnah ce mata su fita Sallar idi kamar yadda Hadith ya kwaɗaitar da kuma maganganun magabata da suka yi bayani akan halarcin fitar mata zuwa sallar idi.

Sallar Idi

Hoto: Britannica

Marubuciya: Faridah Bintu Salis

Ummu Aɗiyyah Nusaibah Bint Ka'ab Al-ansariyyah (RA) ta ce: Annabi (ﷺ) ya yi umurni a ranar idi mata su fita, da 'ƴan mata, da mai al'ada amma ita ta nisanci wajen sallar (tunda ba yi za ta yi ba).” [Bukhari: 981, Muslim: 890]

Abdullahi Ɗan Abbas (RA) Ya ce: “Manzon ALLAH (ﷺ) Ya kasance yana umurtar ƴaƴansa. da matansa, su fita a idi guda biyu (Babba da ƙaramar Sallah).” [Sahihul Jami'i: 3888]

Sayyidina Abubakar (RA) Ya ce: “Wajibi ce Sallar Idi ga duk wacce take da kwatankwacin malulluɓi da zai rufe ta, ta fita zuwa idoji guda biyu ƙarama da Babba.” [Ibn Abi Shaibah ya ruwaito shi a Musannaf 2/182 da sanadi ingantacce] 

Alhafiz Ibn Hajar (Rahimahullah) Ya ce: “Alƙali Iyad Bn Musa ya naƙalto wajabcin Sallar idi hatta ga mata daga Abubakar da Aliyu da Ibn Umar.” [Fat-hul Baary 2/545] 

Sheikh Muhammad Nasiruddeen Albaniy (Rahimahullah) Ya ce: “Toh a sani wannan shi ne gaskiya da babu ƙoƙonto a kai na wajabcin idi hatta ga mata, saboda yawan hadisan da aka ruwaito game da haka, Hadisin Ummu Aɗiyya da ya gabata ya isar mana, ba sharʼanci kawai ya ke nunawa ba, hatta wajabcin hakan yake nunawa ga su matan, saboda umarnin da Annabi (ﷺ) ya bayar, asali kama umurni wajabci ne.” [Salatul Idaini: 15] 

Sunnah ne mata su fita zuwa Sallar Idi, don haka mata ku yi ƙoƙari ku halarci Idi, sannan a kiyaye sanya turare ko bayyanar da wani abu na ado, ku lizimci hijabi na Sharia kuma ku zamto masu natsuwa da kamun kai, sannan a yayin tafiya ku kasance masu bin gefen hanya ba tsakiya ba, kuma ku kiyaye cakuɗuwa da maza, idan kuka kasance haka sai dai ace daku: MASHAA ALLAH.

Karanta Sauran anan»

Dalilin Mutuwar Jaruma Saratu Daso

Saratu Gidado wadda aka fi sani da Daso, ɗaya ce daga cikin manyan jaruman Kannywood, waɗanda aka daɗe ana damawa da su a masana'antar.

Marigayiya Jaruma Saratu Giɗaɗo

Hoto: Real Ali Nuhu

Ta rasu a jiya talata, bisa larurar mura da ta yi fama da ita, daga lokaci bayan lokaci.

Marigayiya Jaruma Daso

Hoto: Zaharadeen Sani Owner

Mutane da dama, sun ji mutuwar ta, kasancewar ta mace mai yawan barkwanci da jama'a, tare da taimakon marayu.

Mu na yi mata fatan samun kyakkyawar makoma.

Karanta Sauran anan»

Karanta Zafafan Sababbin Kalaman Barka Da Shan Ruwa

AMFANI 

Mene ne kalmar ina son ki, idan har ba zan iya yin komai a kanki ba? Mene ne ma'anar cewa ina son ki, idan har farin cikin ki ba zai iya zamo wa nawa ba? Mene ne ma amfanin soyayyar idan har ba ta zamo silar murmushin ki ba? Ba wannan ba ma, mene ne amfani na idan har ban tura miki da saƙon Barka Da Shan Ruwa Ba? Ina fatan kin sha ruwa lafiya? Ina son ki!

Barka Da Shan Ruwa

Hoto: Photo Sune

LEMA

Da zan iya yi ko zamo wa duk abin da na so a rayuwa, da kuwa zan zamo miki laima/lema, ta yadda rana ba za ta taɓa min ke ba, na zamo miki AC ta yadda ba za ki ji zafin ranar ba, na rage miki tsayin wuni, ta yadda za ki sha ruwa kafin kowa,  haka ma na ƙawata daren ki da daddaɗan iska,  ta yadda za ki yi baccin ki cikin salama. Ina son ki. Barka Da Shan Ruwa! Fatan kin sha ruwa lafiya?

ZAFI

Da a ce kina kusa da ni, na sani wuni ba zai yi min tsawo ba, duniyar ba za ta yi min zafi ba, haka ma maƙogwarona ba zai bushe ba, da a ce kina a tare da ni, na sani ƙarfina ba zai ƙare ba, wahala ba za ta kusance ni ba, haka ma  cikina ba zai yunwa ba, kuma da a ce kina kusa da ni, na sani ba zan yi wahalar rubuto miki saƙon Barka Da Shan Ruwa Ba!  Zan faɗa miki ne kai-tsaye, fatan kin sha ruwa lafiya? Ina son ki! 

SAƘO 

Idan har farin cikina zai iya zamo wa naki, damuwarki kuma tawa, to kuwa ki saka a ranki, duk sanda azumi ya ba ki wahala, ya ba ni kwatankwacin ta. Duk sanda azumi ya ba ki wahala, zan iya ganewa, domin kuwa ni ma zan ji a jikina. Ina fatan sakona ya same ki cikin koshin lafiya, kuma ina miki fatan an sha ruwa lafiya. Barka Da Shan Ruwa.

BUƊA BAKI 

Zan so zamo wa ruwan sanyin da kike sha, yayin buɗa baki, domin na sanyaya zuciyar ki, kuma zan yi burin rikiɗewa zuwa ruwan ɗumin da kike fara saka wa cikin ki, domin samar miki da natsuwa a yayin buɗa baki. Ina ma a ce zan iya zamo wa hatta abincin da kike taunawa da ƙayatattun haƙoran ki, da kuwa farin ciki ba a magana, har abada fatana ba ya wuce zamo wa gaba-daya naki. Ina Son Ki. Barka Da Shan Ruwa.

GORO

Na kasa yarda da karin maganar Hausawa da suke cewa, "Rai dangin goro, sai da hutawa.". Domin kuwa tun da na fara son ki nake ji a raina, hutu ba nawa ba ne. Idan hannuwana ba sa aikin rubuta saƙo a gare ki. To, kuwa su na nan riƙe da waya ina magana da ke. Da baki ya ƙare nasa aikin, ido yake fara   aikin kallon hoton ki. Aikin zuciya kam, a kullum tunanin ki ne, har zuwa sanda bacci zai ɗauke ƙwaƙwalwata zuwa duniyar mafarkin ki, a dai irin waɗannan ayyukan, mutuwa ce kaɗai za ta sa na huta. Ina Son Ki. Barka Da Shan Ruwa.

HAUKA

Su na cewa "So dangin hauka.". Amma ni saɓanin haka na gani, bayan faɗawa ta ki soyayyar, a da ba ni da aikin yi, amma a yau na samu aikin tunanin ki, a da ban damu da kowa ba, a yau kuma Allah ya ban wacce nake matuƙar damuwa da ita, da ba ta kulawa. A da ban da wata manufa, amma a yau kin fuskantar da tunanina zuwa ga raya sunnar babban masoyina Annabi Muhammad (S.A.W), ai kuwa kin ceto rayuwata, kin ba wa rayuwata manufa. Ina son ki. Barka Da Shan Ruwa.

ALKAWARI

Idan kika ɓuya, zan gano ki. Idan ba kya nan zan nemo ki. Idan kuma kika tafi, zan jira ki, amma fa idan wani ya yi kuskuren raba ni da ke, to kuwa dole zan yaƙe sa, domin ke tawa ce ni kaɗai, ba zan taɓa iya raba soyayyar ki da kowa ba a duniya. Da a ce 'Yan Adam su na da iko akan komai, da kuwa na ba ki damar shiga zuciyata don ki ga hakikanin girman son da nake yi miki a zuciyata, amma tunda ba zan iya hakan ba, alƙawari ne a kaina zan ci gaba da sanar da ke yadda nake son ki a zuciya, har zuwa ranar da zuciyar ki za ta gamsu cewa soyayyata a gare ki gaskiya ce.

NI'IMA

Da a ce ni kurma ne, zan iya jin ki ne ta hanyar murmushin ki, da kuwa ni bebe ne, zan iya magana da ke ta idanuwan ki, da na kasance makaho kuma da kowacce bugawar zuciyar ki, zan san ma'anar ta. Wasu lokutan, idan na ƙura miki ido, sai na riƙa mamakin yadda wani kafin ni bai taɓa ganin abin da ni nake iya gani a tattare da ke ba, ina kasa fahimtar yadda wani bai taɓa ganin tsantsar kyawun da Allah ya ajiye a tattare da ke ba, amma kuma na kan gode wa Allah da ya sa ba wanda ya taɓa lura da hakikanin baiwar da Allah ya ajiye a tattare da ke, domin kuwa da hakan ya faru, da zuwa yanzu wasu ne akan matsayin da nake a yanzu. Na gode wa Allah da ya ni'imta ni da babbar ni'ima a rayuwata.

Sanusi Kabir ne ya gabatar da su, wakilin mu ya fitar da su a rubuce, ga wanda yake son ya saurare su a ainihin yadda suke, zai iya sauke Audio ɗin ta hanyar latsa nan.

Karanta Sauran anan»

KARANTA YADDA AKE YIN KABBARORI DA KARAMAR SALLAH

Yin kabbarori Sunnah ne mai ƙarfi a sallar Idi ƙarama(Idul fitr). saboda fadin Allah:

"وَلِتُكْمِلُوا الْعِدَّةَ وَلِتُكَبِّرُوا اللَّهَ عَلَىٰ مَا هَدَاكُمْ وَلَعَلَّكُمْ تَشْكُرُونَ".

YIN KABBARORI DA KARAMAR SALLAH

Hoto: Holiday Times

"...kuma dõmin ku cika adadin, kuma dõmin ku girmama Allah a kan Yã shiryar da ku, kuma tsammãninku, zã ku gõde".

Lokacin farawa daga ganin watan Shawwal, ma'ana daga faɗuwan ranan ƙarshe na watan Ramadhan.

Ibnu Abbas ya ce: "Haƙƙi ne a kan dukkan musulmi idan sun ga watan Shawwal su yi Kabbara".  Lokacin yana ƙarewa ne daga fitowan liman zuwa gabatar da  sallah".

Sigan Kabbarorin:

ALLAH AKBAR ALLAHU AKBAR, LA ILAHA ILLALLAH, ALLAHU AKBAR ALLAHU AKBAR, WA LILLAHIL HAMD.

Tushe/Asali: Zauran Daliban Ilimi

Karanta Sauran anan»

Sauke Zazzafan Sakon Barka Da Shan Ruwa Audio Na Sanusi Kabir

 Wannan Audio na "Barka Da Shan Ruwa" cike yake da zafafan sakonnin soyayya masu ratsa sassan zukatan masoya. Idan har kana sauraro to ba za ka san lokacin da shauƙin soyayya zai ziyarci farfajiyar zuciyarka ba. Abin dai ba a magana.

Saƙon Barka Da Shan Ruwa

Hoto: Wallpaper Cave

Idan har kana soyayya, lallai wannan Audio na Barka Da Shan Ruwa zai faranta maka rai, haka ke ma idan kina yin soyayya, za ki ji daɗin shi, kar ku sake a ba ku labari.

Bidiyo na saurare kawai

Audio ne wanda Sanusi Kabir ya shirya, ya kuma tsara, sannan ya gabatar da shi da kansa, don jin daɗin masoya.

Lallai kada ku bari a ba ku labari.

Idan kana da matsala a Soyayya musamman wajen rubuta Saƙonnin Soyayya ko furta lafazin soyayya, don yabon kwalliyar masoyiyarka, ko don aika mata da sakon barka da shan ruwa, ba shakka wannan zai nishaɗantar da kai ya kuma ƙara inganta tasirin soyayyar ta a farfajiyar zuciyarka. Ya kuma taimaka maka wajen tura wa masoyiyar ka saƙonnin soyayya na zamani.

DUBA WANNAN: Sauke Zazzafan Sakon Murnar Sallah Audio Na Sanusi Kabir A Kyauta

Wato tsayawa bayyana abin da wannan maƙala ta sauti ta ƙunsa kamar ɓata lokaci ne, abin sai wanda ya saurara.

Kar dai mu cika ku da surutu ku hanzarta sauke Audio na Barka Da Shan Ruwa yanzu a kyauta, domin sauraro cikin natsuwa da kwanciyar hankali.

SAUKE ANAN

KADA KU SAKE A BA KU LABARI

Da fatan zai ilimantar,nishaɗantar ya kuma faɗakar da masoya gaba-ɗaya. Ya kuma zama silar ƙarfafa alaƙa a tsakaninsu.

Ku ci gaba da kasancewa tare da mu a kodayaushe, don ci gaba da samun zafafan saƙonnin soyayya na saurare da na karantawa.

Karanta Sauran anan»

Kalli Hotunan Nura M Inuwa A Fagen Aiki

Nura Musa Inuwa, wanda aka fi sani da Nura M. Inuwa, ba ɓoyayye ba ne a masana'antar Kannywood, domin kusan babu wanda yake sauraren wakokin soyayya a baya, ko a yau wanda bai san shi ba.

Nura M. Inuwa

Hoto: Nura M. Inuwa

Hotunan sun ɗauki hankula sosai a shafukan Sada Zumunta duba da yanayin yadda aka ɗauki hotunan, wanda hakan ya taka muhimmiyar rawa sosai wajen ƙayatar da al'umma daga sassa daban-daban na faɗin duniya.

Mawaƙi Nura M. Inuwa

Hoto: Nura M. Inuwa

An ɗauki kyawawan hotunan ne a lokacin da yake fagen aiki, a cikin situdiyo (Studio).

Nura M. Inuwa

Hoto: Nura M. Inuwa

Waɗannan wasu ne daga cikin kyawawan hotunan sa.

Ƙalli ƙarin wasu hotunan a ƙasa;

Mawaƙi Nura M. Inuwa

Hoto: Nura M. Inuwa

Nura M. Inuwa

Hoto: Nura M. Inuwa

Mawaƙi Nura M. Inuwa

Hoto: Nura M. Inuwa

Fatan hotunan nasa, sun burge masoyan sa.

Ku ci gaba da kasancewa tare da mu a kodayaushe, don ci gaba da samun sababbin hotunan mawaƙan ku, masu inganci.

Karanta Sauran anan»