Mai Kasuwancin Yanar Gizo-gizo Lura Da Wannan

1. Idan ka na kasuwancin yanar gizo-gizo, ka kiyayi ajiye kaya ga wanda bai ba ka ko sisi ba, ƙarshe za su iya zama maka asara.

Mai kasuwancin yanar gizo-gizo lura da wannan

Hoto: Patrick George/Getty Images

Marubuci: Anas Darazo

2. Ba kowane kwastoma ke bambamce taya kaya da sayan kaya ba, wani tayawa ce ta kawo shi amma zai ce ya saya, kai ɗan kasuwa kai ne za ka bambamce su.

3. Lallai za a ɓata maka rai a kasuwa, ka yi haƙuri gwargwadon yadda za ka iya amma ka ƙwaci kanka iya wuya, ta tsaya a bacin rai ban da asarar kuɗi.

4. Kwastomomi su gane 'yan kasuwa su ma mutane ne, tsoka ce a zuciyarsu, yadda ranku ke ɓaci idan an ɓata muku haka nan su ma nasu ke ɓaci, ku nuna tarbiyya kada ku ɓata mana, haka idan mun kasa jurewa mun ɓata muku ku yi haƙuri mu ma mutane irin ku ba daga wata duniya mu ke ba.

Karanta Sauran anan»

Kalaman Soyayya Na Bayan An Bude Baki Masu Ratsa Jiki

Barka Da Shan Ruwa sarauniyata wadda na sadaukar ma da zuciyata. Shiga ki zauna kin zama sarauniya ta musamman a cikin ta, me kike da buƙata a kawo miki ki yi buɗe baki da shi?

Kalaman Soyayya Na Bayan An Buɗe Baki Masu Ratsa Jiki

Hoto: Nature vibes

Marubuci:- Abdul'aziz Hamza KKR

Da Sunan Allah Maɗaukakin Sarkin da ya tsara suffar halittarki cikin daidaituwar kyawun da ke burge dukkan idanuwan da su kai tozali da kyakkyawar fuskarki.

Yau Azumin mu 15 cif  shiyasa na dawo gare ki, ba zan gajiya ba tare da jinjina da gaisuwar aminci mai cike da tarin so da ƙauna zuwa gare ki.

Sannunki fa 'yar gaban goshin zuciyata na yi jinjina kuma na gaisheki. Burina ki zamto cikin farin ciki da tarin annashuwa, a daidai lokacin da kike buɗe baki hakan shi ne cikar burina.

Farin ciki abun so ne daga kowace irin nau'in zuciya  shiyasa tawa ta kasance cikin shauƙi da annuri kasancewar na samu farin cikin raina.

Na koyi darasin ƙauna kasantuwar na kwana cikin inuwar zuciyar da ta san yadda ake so da tarairayar zuciyar wanda take so.

Kuma da ke zan rayu komai tsananin juyin yanayi muna tare da'iman.

Kowane matsayi, kin cika shi wajen zama sarauniyar mata a cikin zuciyata, da ke zan yi rayuwata.

Karanta Sauran anan»

Gaskiya 25 Da Ba Za Ku Same Su A Ko'ina Ba

1. Kada ka raina iyayenka. Ba za su dawwama ba, ka kula da su matuƙa.

2. Idan ka gyara kanka, kamar ka  gyara iyalinka. Idan ka gyara iyalinka, kamar ka gyara al’umma ne, idan ka gyara iyalinsa kai ma ka gyara ni ma na gyara sai al'umma ta gyaru.

Gaskiya 25 Da Ba Za Ku Same Su A Ko'ina Ba

Hoto: Getty Images

Marubuci:- Abdallah Aliyu Saint

3. Namijin da ya iya fin ƙarfin  sha’awarsa yana da cikakken iko kan rayuwarsa.

4. Kunya ta ɗan lokaci ce, amma nadama tana dawwama. Ka fi son fuskantar kunya da wuri a kan ka yi nadama daga baya. Ka yi aiki tuƙuru kada ka ji junyar wulaƙancin jama'a kan sana'arka.

5. Namiji mara manufa yana rayuwa ne kawai don shagaltuwa da abubuwan banza. Kamar zuwa fati, shaye-shaye da neman mata.

6. Ka guji mutanen da ke ƙin jinsin da suka saɓa da nasu; suna da matsala a zukatansu.

7. Ka saurari tsofaffin da suke farin ciki, sun san abin da suka gani a rayuwa.

8. Ɗa’a (hazaƙa) ta fi ƙwazo (motsi zuciya). Ka dinga yin abin da ya dace, koda ba ka jin daɗin aikata shi a ranka.

9. Idan kana jin buƙatar burge kowa, to kai bawa ne gare su.

Duk lokacin da kake son burge mutane za ka zama kamar bawansu . Duk abin da suke so shi za ka aikata ko ba daidai ba ne. Hakan ya sa malamai suka zama karnukan 'yan siyasa.

10. Mafi yawancin baƙin ciki a cikin maza na faruwa ne sakamakon rashin manufa a rayuwa.

Kaso 90 na maza suna faɗawa wahala ne da ƙunci da talauci saboda rashin manufa da gina kasuwanci ko aiki tun suna ƙananu.

11. Idan namiji yana rashin kunya ga uwarsa, kada ki amince da sh, ba zai girmama ki ba.

12. Namijin da ya saba da jin daɗi mara amfani yana lalacewa. Dole ka saba da wahala don ka bunƙasa.

13. Halayen mace suna ƙarfafa namiji, haka nan kuma halayen namiji suna ƙarfafa mace.

Idan namiji ya samu mace mara manufa sai ta rage tasa manufar da kaso 70 haka idan ya samu mai manufa sai ta cike shi ya zama mai  ɗari bisa ɗari.

14. Rayuwa ba za ta sauƙaƙa ba, kai ne kawai za ka ƙara ƙarfi don fuskantar ta.

15. Babu wanda ya taɓa zama babban mutum ta hanyar zama kan kujera yana kallon fina-finai da tsalle tsakanin facebook da tiktok tsawon wuni/yini.

16. Namiji yana samun mafi yawan farin ciki ne lokacin da yake gina abin da zai bari bayan ya tafi.

17. Kada ka saurari marasa fata da ke cewa rayuwa tana muni idan shekaru suka kai 40. Idan ka dage, kana inganta ta fiye da matashin ɗan shekara 20.

18. Kasance namijin da ke da nutsuwa lokacin da kowa ke firgice aka rasa mene ne mafita. Yi ƙoƙari ka nemo mafita.

19. Gwamma ka yi kuskure a kokarinka fiye da ka zauna ba ka yi komai ba.

20. Yin dariya da mai kiba a dakin motsa jiki kamar yin dariya da marasa gida ne don yana neman aiki. Wannan rashin tunani ne.

21. Zama cikin yanayin wajen da yake shiru da shan iska yana rage damuwa fiye da shan magungunan maye da giya.

22. Koyi yadda za ka karɓi suka ba tare da ka fusata ko ka mayar da martani da zafi ba.

23. Daina kallon batsa, za ka ji daɗin rayuwa kuma ka fi zama namiji nagari.

24. Ka nemi abin da kake so ta hanyar aiki da ƙoƙari, kada ka yarda da son cin banza da neman alfarma.

25. Ka tuna cewa wasu maza suna da kirki ba don suna da hali mai kyau ba, sai don sun kasa tsayawa tsayin daka wajen kyautatawa mata har matan ke juya su kuma suke ganin mazajen nasu masu kirki ne.

Karanta Sauran anan»

Daga Wannan Shekara

Kana matashi daga wannan shekera, ka daina ƙoƙarin burge kowa musamman 'yammatan nan, ka kashewa kanka da burin ka wannan kuɗin za ka ga yadda mutane da 'yammatan za su bibiye ka.

Daga wannan shekara

Hoto: Gatty images

Marubuci:- Abdullahi Madachi 

Inda hali ka gujewa soyayya, idan kuma ka afka ka daina renon ta da naira, soyayyar da aka gina da kuɗi da kuɗi kaɗai ake iya raya wannan soyayya, dan haka kar ka sa kanka a wannan rigima.

Ba wanda zai taimake ka ina tabbatar maka kai za ka tashi ka taimaki kanka, waɗanda suka manta da kai burin su suke ginawa, kai ma ka mantasu ka fuskanci mafarkinka ko burin ka ko muradin ka.

Kar ka sake yi wa wani ƙorafin mai ya sa ya daina damuwa da kai, domin kulawar da ke zuwa bayan ƙorafi wayancewa ce kawai.

Ka yarda da kanka! Zaki bai taɓa damuwa da abin da dabbobin ke cewa akansa, wanda ya yarda da kansa bai damuwa da cecekucen mahassadansa.

Cikar yarda da kanka shi ne yin shiru yayin da ka gano har a zuci ba sa son ka, yin shiru yayinda suke dariya akan mafarkinka, yin shiru yayin da suke gulmarka a gefe suna zaginka.

Indai ba ka manta burin ka ba to kawai ka ci gaba da tafiya kai kaɗanka!

Karanta Sauran anan»

Muhimman Abubuwa Kan Maza Da Mata

Mata suna zina ne da wanda suka yi ra'ayi. Yayin da maza kuma ke yi da duk wadda ta ba su dama.

Muhimman Abubuwa Kan Maza Da Mata

Hoto: God design path

Marubuci:- Abdallah Aliyu Saint

Don haka idan aka aikata zina mace ita ce mai kaso 90 wajen ba da gudummuwa.

Maza na auren macen da suka ga alamun za su iya juyawa ne kuma take nuna musu tausayi tun daga waje shiyasa za ka ga namiji ya shekara biyar yana soyayya da mace amma ya ƙi aurenta rana ɗaya kuma ya haɗu da wata daban cikin wata shida ya aure ta ya ƙyale waccan.

Kaso 90 na matan zamani suna auren wanda ya shirya ne zai yi auren ba ɗan soyayya gwanin iya kalamai da nuna musu soyayya ba amma ba shi da manufa.

Kaso 99 na maza ba su damu da kwalliyar zamani da mata ke yi ba wadda suke mulka kwalliya a fuska, sannan maza ba sa bambance tsadar tufafin da mata suka saka sun fi ganewa idan kayan ya yi musu kyau.

Macen da ta sa jan mayafi ta fi ɗaukar hankali akan wadda ta saka wata kala ba ja ba.

Matan da suka haura shekara 30 babu aure sukan yi fama da lalurar baƙin ciki (Depression). Shekararsu ta farko bayan aure ya kan warke.

Kaso 90 na maza 'yan shekara 25 zuwa sama wanda ba su da aure suna aikata istimna'i (Mastubartion).

Auren mummuna da mai tsakatsakin kyau ya fi na kyakkyawar mace ƙarko.

Karanta Sauran anan»

Rabe-raben Teloli Da Ba Ku Sani Ba

 1. TELA

Wanda ya dogara da abin da yake samu daga ƙwarewarsa ta ɗinki a matsayin hanyar kuɗin shiga.

Wannan shi babbar ribar sa shi ne mutane su kawo masa kayansu da yawa ya yi ɗinki da yawa.

Rabe-raben Teloli Da Ba Ku Sani Ba

Hoto: India Mart

Marubuci:- Abubakar Abba

Saboda haka shi kwastomomin sa su ne wanda suka san shi ko suka ji labarin ya iya ɗinki.

Idan ya yi sa'a ya shahara, zai samu kwastomomi da yawa, idan kuma ba haka ba, to fa sai a hankali, tunda idan ba'a kawo ɗinki ba; shi ba labari.

2. FASHION DESIGNER 

Wannan ba ya jiran sai ka ba shi kalar ɗinkin da kake so, a'a shi yana amfani da ƙwarewarsa wajen fitar da sababbin salo (styles) wanda mutane za su so kuma ya sakawa wannan salon farashi, da haka yake samun nasa kuɗin shigar.

Shi wannan salo yake dogara da shi, domin shi ne babban aikinsa, zai iya fitar da tsari (Design) amma ba lallai ya zauna ya ɗinka ba, don haka shi kwastomomin sa suna da yawa, ba wai iya ɗaiɗaikun mutane ba ne, a'a har da telolin da suke jira ya fito da sabon salo su kuma su kwaikwaya.

Fashion Designer ya fi Tela samun kuɗi, kuma ya fi shi samun kwangila a duniyar kasuwanci.

3. FASHIONPRENEUR

Wannan su ne wanda suka tara duka abin da aka ambata a baya, sannan kuma sun fi mayar da hankali wajen siyarwa da mutane suturar da za su saka nan take.

Za su fitar da tsari (Design), za su ɗinka, za su tallata, za su siyar a matsayin kayan kasuwanci.

Yana da kyau ka san a wanne mataki kake.

Matakin ƙarshen nan shi ne aka fi samun alheri a cikin sa.

Na san kuma da yawan Teloli masu wayo shi ne abin da suke hanƙoron samu.

Karanta Sauran anan»

Cikin Masu Hankali

Ka rubuta sunan ka cikin masu hankali, muddin ka daina ɗaurawa kanka buƙatun da suka fi ƙarfin ka.

Cikin Masu Hankali

Hoto: Getty Images

Marubuci:- Abdulfatah Yakubu

Rayuwa sauƙi gare ta, tuni masu wayau suka daina ɗaurawa kansu abun da ya fi ƙarfin su. Lissafin farko dai shi ne ka rayu, duk wani karatu sai dai ya biyo bayan wannan.

A sauƙaƙe, za mu iya cewa hanyar rayuwa guda biyu ce; akwai mai sauƙi, akwai akasin haka.

Ka natsu ka fahimci wacce ce ta fi dacewa da kai, domin sauƙin wani zai iya zama wahalar wani. 

Bahaushe ya ce "abincin wani gubar wani".

Ka fahimci kanka da kyau, ka ci, ka sha, ka yi suturar da ba za ta gigita samun ka ba, ka gina gidan da kula da shi ba zai zame maka ƙarfen ƙafa ba, idan ka tashi aure ka auro mai fahimta irin taka, wacce za ku haɗu ku rufawa kanku da 'ya'yan da za ku haifa asiri.

Rayuwa sauƙi gare ta, idan ka cire bautar Allah babu abun da ya zama wajibi sai abun da bawa ya ɗaurawa kansa.

Hatta Allah idan ya sauƙaƙawa bawa, yana so ya bi wannan sauƙin da ya yi masa.

Ka bi sauƙi, sai ka ga sauƙi.

Karanta Sauran anan»

Abubuwa 10 Masu Amfanarwa

1. Sanin cewa duk mutum na da matsalolinsa

"Illusion of Transparency" yana nuna cewa kowa yana jin kamar matsalolinsa sun fi yawa, amma a gaskiya kowa yana da matsala kuma kowa tasa ya sani (Gilovich et al., 1998).

Gaskiya 10 Masu Amfanarwa

Hoto: Your Tango

Marubuci:- Abdallah Aliyu Saint

2. Kamanta rayuwarka da ta shafukan sada zumunta

Nazarin Self-Discrepancy Theory ya nuna cewa yawan kallon rayuwar wasu a shafukan sada zumunta da ƙoƙarin kwatanta abin da suke yana karya lagon mutum da mayar da shi baya (Higgins, 1987).

Bincike ya nuna cewa wanda suka fi amfani da shafukan sada zumunta kaso 70 cikinsu suna fama da cutar "Depressions "wato  cutar damuwa. 

Kawai suna ta ƙoƙarin neman abin da zai ɗebe musu kewa ne.

3. Ƙwarewa akan neman kuɗi fiye da tara su waje ɗaya

Bincike ya nuna cewa mutanen da ke saka kuɗinsu a ƙwarewa (kamar tafiya ko koyon sabuwar sana’a) sukan fi jin daɗi fiye da masu ajiye kuɗin kawai ba sa ƙoƙarin zuba kuɗin inda za su haɓaka.(Van Boven & Gilovich, 2003).

4. Sanin cewa ba kowa zai so ka ba

"Negativity Bias " yana nuna cewa mutane kan fi mayar da hankali ga rashin so fiye da soyayya, mutane sukan fi damuwa da maƙiyansu akan masoyansu.

Misali , Ɗan Siyasa zai fi damuwa da ya jawo maƙiyansa su dawo masoyansa, haka budurwa ba ta cika damuwa da namijin da yake nuna mata tsantsar soyayya ba, tana ta ƙoƙarin cusa kai wajen namijin da bai damu da ita ba. 

Dalilin haka kuma kaso 90 suke rasa masoyan nasu wajen neman soyayyar wasu da ba su damu da su ba. Ɗan siyasa ya kan rasa masoyansa wajen ƙoƙarin kyautatawa abokan adawarsa ya manta da hidima wa masoyansa. 

Haka ita ma macen ke rasa masoyi na gaske wajen ƙoƙarin shawo kan wanda bai damu da ita ba (Baumeister et al., 2001).

5. Sanin lokacin da ya dace ka yi magana da wanda za ka yi shiru

Emotional Intelligence yana nuna cewa sanin lokacin yin shiru da lokacin magana yana ƙarfafa dangantaka da mutanen da ke kewaye da kai (Goleman, 1995).

Ba komai ne sai ka sa baki akai ba koda kuwa kana da iko ko akan 'ya'yan cikinka ne.

6. Guje wa rashin haƙuri da son komai a gaggauce

Delayed Gratification yana nuna cewa mutane masu iya jira don samun sakamako mai kyau sukan fi samun nasara (Mischel et al., 1972).

7. Yin godiya da abin da kake da shi

Nazarin Positive Psychology ya tabbatar da cewa mutanen da ke yin godiya akai-akai sukan fi samun kwanciyar hankali (Emmons & McCullough, 2003).

8. Sanin cewa lokaci shi ne abu mafi daraja

Mutanen da suka fahimci cewa lokaci ba ya dawowa sukan fi amfani da shi cikin hikima (Carstensen et al., 1999).

9. Guje wa yin buri ba tare da aiki ba

Fantasy Realization Theory ta nuna cewa mutane da ke yin tunanin nasara ba tare da aiki ba, suna fuskantar gazawa (Oettingen, 2014).

Ka yi aiki da hankali da basira kada ka zama mai son cin banza da neman alfarma akan komai.

10. Sanin cewa rayuwa na buƙatar Daidaituwa

Work-Life Balance Theory ta tabbatar da cewa mutane da ke daidaita aikin su da rayuwarsu sukan fi farin ciki (Greenhaus & Allen, 2011).

Karanta Sauran anan»

Gajerun Kalaman Yabon Kyawun Budurwa Masu Dadi

Tsantsar tsawon gashin ki shi ne ke bayyana cikakkiyar surar yadda Allah ya halicce ki don ke ta daban ce da sauran mata.

Gajerun Kalaman Yabon Kyawun Budurwa Masu Dadi

Hoto: Youngisthan

Marubuci:- Ridwan Khan Adam

Tabbas shimfiɗar fuskar ki shi ne ke bayyana yadda zuciyarki take bisa la'akari da farar fuskarki, ga farar zuciya, ga farar magana da fararen idanuwa.

Kin kasance kyakkyawa kamar yadda kalaman bakin ki suka kasance daɗaɗa masu zaƙi fiye da yadda sikari ke da zaƙi.

Ina son ki a yadda kike.

Karanta Sauran anan»

Asarar Kuzarin Ka

Daga lokacin da ka san abun da kake so a rayuwa, kuma ka samu hanyar samun wannan abun, sannan ba ka saɓa doka ba kuma ba ka shiga haƙƙin kowa ba, kawai ka toshe kunne ka ɗauki hanya.

Asarar Kuzarin Ka

Hoto: Keeweeboy/iStock photo

Marubuci:- Abubakar S. Wali

A lokacin da ka ɗaura ɗamarar gyara ko inganta rayuwar ka mutane da yawa ba za su iya fahimtar ka ba, kawai sai dai su ga kana yin abu ko rayuwa daban da yadda suke yi ko daban da yadda suka fahimta shi ne daidai.

Wannan ya sa babu amfani ka ɓata lokaci ko ka yi asarar kuzarin ka wajen dagewa sai mutane sun fahimce ka ko sai sun fahimci ƙudurin ka, alhali da yawa ba za su iya yin hakan ba.

Idan mutane suna mu'amalantar ka kamar ba su fahimce ka ba, kai ma ka mu'amalan ce su kamar ba ka fahimce su ba a cikin rashin fahimtar ka da suka yi.

Ba kowa ne zai iya fahimtar ka ba.

Karanta Sauran anan»

Abin Da Ke Nuna Mace Na Kaunar Ka

Idan ta na gaya maka kwanakin hailar ta, yana nuna ta amince da kai, kuma tana jin kusanci da kai, kuma tana son ka fiye da kowanne namiji a duniya.

Abin Da Ke Nuna Mace Na Kaunar ka

Hoto: Deposit photos

Marubuci:- Abdallah Aliyu Saint

Shin budurwarka tana gaya maka idan baƙon wata ya zo mata?

Karanta Sauran anan»

Takaitattun Sakonnin Barka Da Shan Ruwa Ga Masoya

Wash yau kam na ji azumi, tabbas ibadar Allah daɗi gareta, Allah dan isar ikon tsarkin mulkin ka Allah, ka karɓi ibadun mu. Barka da shan ruwa shalele.

Taƙaitattun Sakonnin Barka Da Shan Ruwa Ga Masoya

Hoto: Envato

Marubuci:- Abdul'aziz Hamza KKR

Jijiyoyin da suke kawo jini a cikin jikina suna gaisuwar aminci a gare ki.

Kalaman da ke fitowa daga bakina sun kasance mallakinki ne ke kaɗai.

Kuma ba zan so ki ba wa kowa ba.

Na so ki ba zan so 'yar gidan kowa ba.

Ƙaunarki kaɗai ita ce na zaɓa har na yi mata babban masauki a cikin fadar zuciyata.

Da farkon farawar ranar da ta fito daga gabas zuwa yamma, tunaninki bai bar zuciyata ta samu sukuni ba.

Murna nake da ganin ki 'yar gata, zo ga wuri zauna, idanuwana su kalli kyawun da ke fita daga gare ki.

Ina son ki, na san ina ran ki kamar yadda ke ma kike raina.

Dan haka ina da ƙwarin gwiwa a kan son da kike a gare ni.

Ina  son ki wannan ita ce kalmar da nake amfani da ita wajen saita zuciyata a daidai lokacin da nake tunaninki.

Karanta Sauran anan»

Abubuwan Da Sanin Su Ya Fi A Ba Ku Kyautar Kudi

Kana canja tunaninka komai zai canja na jikinka tun daga suturar da kake sakawa, yanayin tafiyarka, abokanka da cin abincinka wani lokacin har matarka sai ta sauya ita ma.

Abubuwan Da Sanin Su Ya Fi A Ba Ku Kyautar Kudi

Hoto: Vecteezy

Marubuci:- Abdallah Aliyu Saint

Mata suna son jima'i kwatankwacin yadda suke son kuɗi, don haka tafiya ka bar matarka har wata shida ba ka da hurumin tsananta bincike akan yadda ta riƙe sha'awarta.

Idan ka ba wa abokinka hoto a waya ya gani kuma sai ya ci gaba da dudduba wasu hotunan ka rage yarda da shi da ka yi.

Maza na son mace mai biyayya fiye da yadda suke son jima'i, shiyasa wasu mazan suke ajiye kyakkyawar mace mai sura a waje su ƙi aurenta amma kuma suke auren mace mummuna mara ƙira indai tana kwantar musu da hankali.

Mace na son namiji mai ƙarfin hali da naci akan burikansu kuma wanda zai iya saurin rabuwa da ita cikin sauƙi.

Kaso 70 na maza suna soyayya ne da mace daidai ajinsu, haka kuma suna auren mace ne daidai ajinsu.

Mata ba kamar maza ba suna soyayya ne da ƙasa da su ko wanda ya fi su aji zai wahala ka ga mace na soyayya da daidai ita.

Idan kana son ka gane halin mutum lokaci guda ka ba shi rabon abincin taron mutane, wanda ya ɓoye abincin da zai ci kafin ya fara rabo azzalumi ne kada ka ba shi amana, wanda ya fara rabawa sai da abincin ya je tsakiya ya ware wanda zai ci wannan komai zai iya faruwa, zai iya cin amana zai kuma iya riƙe amana.

Wanda ya rabawa mutane sannan ya fara neman wanda zai ci wannan zai riƙe amana da kaso 70 cikin ɗari.

Mazan jigawa suna ƙaunar mace mai ƙaton bille a kumatu.

Kada ka tambayi mace shekarunta sai idan ita ce ta gaya maka.

Karanta Sauran anan»

Karanta Addu'a Ga Wanda Ya Yi Maka Wani Alheri

Idan wani ya maka alheri sai ka ce masa:

جَزَاكَ اللهُ خَيْرًا.

Jazakal lahu khayran

Addu'a Ga Wanda Ya Yi Maka Wani Alheri

Hoto: Prostock-Studio/iStock photo

Ma'ana

Allah ya saka maka da alheri.

To haƙiƙa ka isa matuƙa wajen gode masa.

Karanta Sauran anan»

Gaskiya Kan Rayuwar Yau Da Kullum

Ba a yin arziki a sana'oin da ake yi cikin unguwanni sai dai a samu na abinci, don kuwa makusantanka da maƙwabtanka suna ganin ka fara tashi za su yi duk mai yiwuwa wajen durƙusar da kai.

Gaskiya Kan Rayuwar Yau Da Kullum

Hoto: Unsplash

Marubuci:- Abdallah Aliyu Saint

Babban wanda zai iya ceto ka daga talauci ya saka a harkar arziki sam ba shi da alaƙa da kai ta jini ma'ana baƙo ne.

Idan ka sa haka a ranka ka huta da zafin aƙida ko tsatstsaran ra'ayi.

Gajeriyar mace baƙa mai ƙarancin kyawu ta fi kowacce mace biyayyar aure da kaifin hankali wajen zamantakewa da bayar da shawarwari masu amfani da tallafar miji.

Babban maƙiyinka shi ne na kusa da kai.

Kyakkyawar mace doguwa fara ta fi daɗin zaman aure idan kana da dukiya ko kuma kana yawan zuwa taron manyan masu kuɗi da matarka.

Ko ba ka so baban matarka ya fi wasu daga cikin ƙannenka da yayyenka son ganin ka ci gaba a rayuwa.

Bayan mutuwarka matarka sai ta fi wahala da 'ya'yanka akan mahaifiyarka.

Ƙanwarka mace ta fi ƙaunarka akan yayarka mace, kuma ta fi ƙaunarka akan 'yan uwanka maza.

Ƙanwar matarka ta fi rainaka akan ƙannen matarka maza da yayyenta maza.

Jarin farko da aka buɗe kasuwanci da shi indai ba ka koyi kasuwancin tun daga tushe ba ko ka yi zaman yarinta a shagon wani ba, ka ɗauka kawai gidan marayu ka buɗe ba shago ba don jarin sai ya zurare kamar fashashshen kwano.

Ka girmama ra'ayin kowa hatta baƙo ba mamaki mafitarka a rayuwa tana tattare da shi.

Karanta Sauran anan»

Kyawawan Gajerun Sakonnin Barka Da Shan Ruwa Ga Budurwa

Yau ce ranar azumin farko a cikinta ne nake fara ba ki saƙon farko wanda a farkon ranar haɗuwarmu zuciyata ta tanaje shi musamman domin ki. Manyan dalilan da suke ƙara saukar da ni'imar sanyin son ki a raina, sun samo alaƙa ne da irin suffatuwarki cikin sufar da ba zan iya misaltawa kowa ba.

Kyawawan Gajerun Sakonnin Barka Da Shan Ruwa Ga Budurwa

Hoto: Freepik

Marubuci:- Abdul'aziz Hamza KKR

Farkon buƙatar zuciya ita ce ta fara sallama a gare ki cikin farkon rubutuna wanda nake farawa da saƙon da ke nuna girman matsayin muƙaminki a guna.

Buɗe min zuciyarki domin na shigar da saƙon zuciyata wanda yake ƙara danƙon zumuncin da ke a tsakanin junanmu.

Ke kamar ɗanyen farin zinare kike da zarar na kusanto inda kike sai na ji tamkar na zama wani sabon Basarake, a yayinda hasken haƙoranki yake ƙara ni'imtar da zuciyata cikin ni'imar son ki da ƙaunarki.

Sallama a gare ki yake mai martabar girman matsayin muƙamin shiga cikin ƙololuwar fadar zuciyata wanda babu abin da ta sani face son ki da ƙaunarki.

Matsayinki na daban ne a cikin raina. Na yi niyyar hidimtawa soyayyarki dan haka babu gudu kuma babu ja da baya.

Da'iman abadan da ke na yi alƙawarin ƙarasa dukkan rayuwata. Idan ina tare da ke ni ban gano ranar da akasin farin ciki zai riske ni ba.

Haɗuwata da ke shi ne shaidar da ke nuna cewa tabbas na yi bankwana da dukkan wata damuwata. Dan haka nake ƙara shigar da ke a cikin tunanin ruhina.

Aminci a gare ki tare da saƙon sallamar so da ƙauna yake abun tattalin so da ƙaunar da ta kewaye dukkan ruhina a koyaushe.

Karanta Sauran anan»

Hanyoyi 8 Na Samun Zaman Lafiya

Zauna da kowa lafiya yana buƙatar kyakkyawar mu'amala, fahimtar juna, da ƙoƙari wajen girmama mutane.

Ga wasu hanyoyi da za ka bi:

1. Girmama kowa

Kowa yana da daraja, kuma girmama mutane, ko su ƙanana ne, yana taimakawa wajen samun zaman lafiya.

Hanyoyi 8 Na Samun Zaman Lafiya

Hoto: Pexels 

Marubuci:- Aminu Usman Iro

2. Guji gardama

Ka ƙaurace wa gardama ko saɓani, musamman akan ƙananan abubuwa. 

Ka zaɓi tattaunawa mai kyau a maimakon faɗa.

3. Yi haƙuri

Duk inda mutane suke, za a samu rashin fahimta.

Haƙuri da yafiya suna da muhimmanci.

4. Kiyaye harshe

Guji maganganun da za su ɓata zuciyar wani. Yi amfani da kalmomi masu kyau da sauƙi.

5. Ka yi adalci

Kula da kowa cikin adalci, ba tare da nuna bambanci ko son zuciya ba.

6. Saurari mutane

Ka ba mutane damar yin magana kuma ka saurare su da kyau. Wannan yana sa su ji an girmama su.

7. Zama mai taimako

Ka yi ƙoƙari ka zama mai taimaka wa mutane a duk inda ka samu dama. 

Wannan yana ƙara haɗin kai.

8. Ka nisanci hassada

Ka gamsu da abin da kake da shi, kuma ka yi farin ciki da nasarorin wasu.

Karanta Sauran anan»

Ƙaryar Da Ake Yi Muku Kan Kuɗi

Wanda duk ya ce kuɗi yana canja halin mutane daga mai kyau zuwa mara kyau shi ne yake jira ya yi kuɗin domin halayen sa marasa kyau su ƙara fitowa fili.

Ƙaryar Da Ake Yi Muku Kan Kuɗi

Hoto: Shutter stock

Marubuci:- Abubakar S. Wali

Wanda duk ya ce kuɗi ba ya iya sayen farin ciki bai ba da su ga mai tsananin buƙatar su ba ne.

Wanda duk ya ce kuɗi mabuɗin sharri ne ya fifita neman su ne akan komai.

Wanda duk ya ce kuɗi bai ba shi kima da mutunci ba ƙoƙarin sayen kima da mutuncin yake yi da kuɗi.

Wanda duk ya ce kuɗi ba sa kawo nutsuwa ba ya samun su ta hanya mai kyau ne.

Wanda duk ya ce kuɗi yana kawo wahala a rayuwar mutum shi ne ba shi da godiyar Allah a cikin neman kuɗin sa.

Wanda ya ce kuɗi ba su da muhimmanci a rayuwa shi yake ƙarar da lokacin sa, ƙarfin sa da lafiyar sa a wajen neman su.

Riƙo da waɗannan abubuwan za su iya ba ka matsala wajen neman kuɗin ka.

Karanta Sauran anan»

Alakar falsafa da tunani

Ma'anar Falsafa 

Falsafa tana nufin binciko mahimmancin rayuwa, gaskiya, da kayan aiki na zahiri da na tunani. Tunani yana nufin gabatar da hankali, wajen aiwatarwa. 

Alakar falsafa da tunani

Hoto: the stand up philosophers

Marubuci:- Ibn Rusheed

Falsafa na taimakawa wajen haɓaka tunani mai zurfi. Ta hanyar tambayoyi da bincike, falsafa na bayyana hanyoyin tunani da sabbin ra'ayoyi.

Falsafa na bayar da tsari da ƙa'idoji da za a bi a cikin tunani, wanda hakan yana haifar da fahimta da inganta basira.

Falsafa da tunani suna haɗuwa wajen tattauna ma'anar rayuwa, gaskiya da kima, wanda hakan ke bayyana ma'ana mai zurfi a cikin al'umma.

Karanta Sauran anan»

Matsalar Soyayya Da Namiji Mara Uzuri

Idan kina nuna masa gaskiya, ya ce kin cika gardama, idan kuma kin yi shiru ya ce ke munafuka ce.

Matsalar soyayya da namiji mara uzuri

Hoto: Unair

Marubuci:- Ridwan Khan Adam

Idan ya kira ki a waya tana kashe, sai ya ɗauka kina tare da wani ne, sai ya aika miki da saƙo cewa, “Kar ki gaya min ba caji, don na san haka za ki ce”.

Idan kin nuna kin damu da shi ya dinga cewa kin fiye son sa da yawa, idan kuma kika nuna ba ki damu da shi sosai ba, ya ce kina da girman kai.

Idan ba ki son sa, ya yi ƙoƙarin yi miki asiri, in kuma kina son sa, ya miki wulaƙanci.

Ida kin cika kwalliya, ya ce kina janyo hankalin wasu maza, idan kuma ba kya kwalliya ya ce ke 'yar ƙauye ce.

Karanta Sauran anan»

Babban Sirrin Kasuwa A Yau

Babban sirrin kasuwa a 2025 shi ne samar da kayayyaki masu sauƙin kuɗi daga abin da muke samarwa a cikin gida. Domestic Market (Production).

Babban Sirrin Kasuwa A Yau

Hoto: Natali_Mis/Getty Images

Marubuci:- Bello Ado Hussaini

Bincike ya nuna cewa a iya shekarar 2023 kawai, kamfanoni da masu shigo da kaya, sun gaza siyar da kaya na sama da Naira biliyan ɗari uku da hamsin.

Ma'ana ₦350 billion na kaya da ke jibge a sito babu mai siye.

Lissafin kuma ya ci-gaba har cikin shekarar 2024.

Hakan na nuni da sukurkucewar ƙarfin aljihun al'umma, wajen iya sayen kayan amfanin yau da kullum, da na buƙatar rayuwa, wato Purchasing Power.

Waɗannan alƙaluma suna tabbatar da cewa, masu amfani da kaya (Consumers) dole sun haƙura da wasu kayayyakin, sannan kuma sun nemi musayar wasu masu sauƙin kuɗi, Alternative consumer goods.

Wannan tabbas matsala ce ga manyan kanfanoni, a waje ɗaya kuma zai iya zama wata dama (Opportunity) ga ƙananan kamfanoni da masu sana'a.

Tambayar itace; Ta yaya za mu iya cin gajiyar wannan ƙalubale?

Dole ne masu ƙananan masana'antu da 'yan kasuwa su ɗauki damar da take cikin abubuwa guda 3, abin da ake kira Leveraging.

Ma'ana su shigar da waɗannan abubuwa cikin sabon fasali a ayyukan su, yadda kayan da suke samarwa, za su ƙara inganci, tare da rage kuɗaɗen da suke kashewa wajen samar da kayan, da kuma yin amfani da taƙaitaccen lokaci a hannu guda.

Waɗannan abubuwa su ne;

Fasaha

Dole ne masu son cin wannan gajiya, su yi amfani da fasahar zamani, wajen inganta ayyukan su.

Wannan ya haɗa da kayan aiki na zamani masu saukin kuɗi, Machine and Tools, da kuma fasahar kwaikwayo wato Artificial intelligence.

Makamashi

Kowa yasan tasirin makamashi wajen tafiyar da ayyukan masana'antu da masu sana'ar hannu.

Haka kuma kowa na sane da yadda farashin makamashin da aka saba amfani da shi (Conventional Energy) yake tashi sama, daga farashin wutar lantarki zuwa na man Diesal da fetur da iskar gas.

Dole ne mu samo wata hanya mafi sauƙi da arha, kamar Renewable energy irinsu hasken rana (Solar) Sharar gona da ta kamfanonin sinadarai, inda za'a ƙona kamar buntun shinkafa, ƙonannen baƙin mai, domin samar da tururi zuwa makamashi (Black furnace) cikin sauƙi.

Hanya

Ya zama wajibi mu samo hanyoyi masu nagarta, na tafiyar da ayyukan mu cikin tsari da gwaninta da ilimi, yadda za mu horar da ma'aikatan mu, da mu kanmu wajen gudanarwa, yadda za mu taƙaita ta'adi (Waste) da ɓata lokaci (Time management).

Hakan zai haɓaka yawan kayan da muke samarwa, cikin gajeren lokaci, da kuma ingancin kayan.

Wannan kuma shi zai ba wa masu dillancin kaya (Whole sellers) ƙwarin gwiwa, cewa za su iya dogara da kayan gida ba tare da yankewa ba, wato Supply Chain Management.

Ƙaruwar abokan hulɗa kuma, zai iya magance matsalar ƙarancin jari.

Dalili idan ka inganta ayyukan ka, za ka samu waɗanda za su saka order, ma'ana su zuba kuɗi su jira kaya.

Hakan zai ba ka damar yin amfani da dabarar nan ta (OPM). Other people's money.

Karanta Sauran anan»

Gajeren Sakon Soyayya Na Neman Amincewar Sabuwar Budurwa

Sallama da salama su tabbata ga amintacciya, karamtacciya, ƙasaitacciya, kamilalliya kana kuma ni'imtacciya.

Gajeren Sakon Soyayya Na Neman Amincewar Sabuwar Budurwa

Hoto: Vocal media

Marubuci:- Ridwan Khan Adam

So nake ki yarda ki aminta na shuka ƙwayar soyayyata a filin fadar zuciyarki don babu wuri mafi kyawu fiye da nan.

Ki min tallafi da ruwan kalamanki masu sani nishaɗi. Ina son ki.

Karanta Sauran anan»

Abubuwa 10 Masu Gurbata Rayuwar Saurayi

Akwai abubuwa 10 da ke rushe rayuwar saurayi, kuma su hana shi ci gaba har abada.

1. Rashin ingantaccen tsarin rayuwa

Hujja

Mutumin da bai da tsari a rayuwarsa yana yawan shiga damuwa da rashin tabbas (uncertainty), wanda ke iya hana shi samun nasara.

Abubuwa 10 Masu Gurbata Rayuwar Saurayi

Hoto: Petar Chernaev/iStock photo

Marubuci:- Abdallah Aliyu Saint

Bincike

Masana sun nuna cewa tsari da tsayayyen manufa na ƙara wa mutum ƙaimi da mayar da hankali wajen nasara a rayuwa.

2. Yawan jinkirta aiki

Hujja

Jinkirta aiki yana haddasa damuwa da yawan nadama, wanda ke hana mutum cimma burinsa.

Bincike

Psychology Today ta bayyana cewa jinkirta aiki na hana mutum samun nasara da gamsuwa a rayuwa.

3. Rashin ƙwarewa wajen sarrafa lokaci

Hujja

Rashin iya sarrafa lokaci yana hana mutum yin abubuwan da suka fi muhimmanci a rayuwa. Ya ɓuge da shiririta da abubuwan da ba za su amfane shi ba.

Bincike

Masana sun nuna cewa sarrafa lokaci da kyau na ƙarawa mutum ƙwarin gwiwa da yawan nasara.

4. Shaƙuwa da mutanen da ba su da kyakkyawan tasiri

Hujja

Mutanen da ke da mugun hali na iya raunana zuciyar mutum da hana shi ci-gaba.

Wannan ya haɗa har matarka ko budurwarka, abokanka da 'yan uwanka.

Bincike

Nazarin Harvard Study of Adult Development ya nuna cewa mutumin da ke zagaye da mutane masu kyakkyawar manufa da ƙwazo ya fi yin nasara da cimma burinsu fiye da mutumin da ke zagaye da malalatan mutane.

5. Damuwa da ra'ayin wasu fiye da kima 

Hujja

Wanda yake yawan ƙoƙarin faranta ran mutane yana yawan fuskantar gajiya da damuwa.

Bincike

Nazarin Self-Determination Theory ya nuna cewa mutum yana buƙatar samun ‘yancin yanke shawara a rayuwarsa.

6. Dogaro da wasu

Hujja

Wanda ba ya iya dogaro da kansa yana shan wahala idan babu wanda zai taimake shi.

Bincike

Masana sun nuna cewa samun ‘yancin kai na ƙara wa mutum jin cewa yana da iko a kan rayuwarsa.

7. Rashin lura sosai wajen sarrafa kuɗi

Hujja

Rashin iya sarrafa kuɗi yana jefa mutum cikin wahala da damuwa.

Bincike

Journal of Economic Psychology ta bayyana cewa matsalolin kuɗi suna da alaƙa da ciwon damuwa da rashin jin daɗin rayuwa.

8. Rashin kulawa da lafiya

Hujja

Rashin kula da lafiyar jiki da ƙwaƙwalwa yana hana mutum samun kuzari da farin ciki.

Bincike

Masana sun tabbatar da cewa motsa jiki da bacci mai kyau suna da matuƙar tasiri wajen inganta tunani da jin daɗin rayuwa.

9. Zaman banza da rashin yin aiki

Hujja

Rashin yin aiki yana haifar da gundura da jin cewa rayuwa ba ta da ma’ana.

Bincike

Nazarin Flow Theory ya nuna cewa samun aiki mai amfani yana ƙara jin daɗin rayuwa.

10. Rashin karatu da ilimantarwa

Hujja

Wanda ba ya ƙara neman ilimi kan wanda yake da shi yana da sauƙin fuskantar matsaloli a rayuwa.

Bincike

Nazarin Cognitive Flexibility Theory ya nuna cewa ƙara ilimi na taimakawa mutum wajen daidaita kansa da sabbin yanayi.

Duk waɗannan abubuwa suna iya rushe rayuwar saurayi.

Don kauce wa hakan, yana da kyau mutum ya tsara rayuwarsa, ya guji jinkirta aiki, ya zaɓi abokai nagari, kuma ya kula da lafiyarsa da kuɗaɗen sa.

Karanta Sauran anan»

Karanta Addu'a Ga Wanda Ya Ce Maka Allah Ya Gafarta Maka

Addu'a ga wanda ya ce maka; Allah ya gafarta maka.

وَلَكَ.     

Wa laka.

Addu'a Ga Wanda Ya Ce Maka Allah Ya Gafarta Maka

Hoto: Opb

Tare da kai.

Karanta Sauran anan»

Abubuwa 10 Masu Janyowa Mutum Raini

Waɗannan su ne abubuwa 10 da suke tarwatsa girma da darajar mutum kowa ya raina shi.

Abubuwa 10 Masu Janyowa Mutum Raini

Hoto: Manari TV/YouTube

Marubuci:- Abdallah Aliyu Saint

Ga su kamar haka:

1. Yawan kule-kulen 'yammata ga namiji

Yawan nuna soyayya ga kowacce mace idan ka gani shikenan ta zama budurwarka, hakan yana sa wa mutuncin mutum ya zube kamar an zuba ruwa a kwando.

2. Yawan yin gulma

Mutanen da ke yawan gulma da yayata magana ba tare da tabbaci ba ana raina su. Nazarin Journal of Social Psychology ya nuna cewa yawan gulma yana rage daraja da amincewa.

3. Rashin iya sarrafa fushi ko matsala

Mutane suna raina wanda ba zai iya sarrafa fushinsa ba ko wanda ke yawan tsawwala magana a lokacin da yake cikin matsala ko yawan mita da ƙorafi.

Nazarin Journal of Emotional Intelligence ya nuna cewa iya sarrafa fushi yana ƙarfafa mutum.

4. Rashin alƙibla da rashin faɗin gaskiya a rayuwa

Idan mutum ba shi da tsayayyen shiri ko burin rayuwa, mutane kan raina shi. 

Nazarin Journal of Career Development ya nuna cewa mutanen da ke da alƙibla sun fi samun mutuntawa a cikin al’umma.

5. Rashin tsaftar jiki da muhalli

Idan mutum ba ya kula da kamanninsa ko tsaftarsa, wasu kan raina shi.

Nazarin Psychology Today ya nuna cewa tsafta tana taka rawa wajen yadda mutane ke kallon darajar mutum.

6. Yawan faɗar sirrin iyalinka ga na waje

Tun da ga kan mahaifi, mahaifiya, matarka, ƙanneka da yayyenka dukkansu fallasa wani asirinsu a waje ga wani kamar kanka ka daɓawa wuƙa ƙarshe idan an tashi har kai za a gorantawa.

7. Rashin dogaro da kai da rashin ƙwarin gwiwa

Idan ya zama ko me za ka yi sai ka nemi shawara ko izinin mutane ko yardar su hakan yana bazar maka da kimarka kamar an watsa gari a iska, don kuwa koyaushe zai zama juya ka ake yi sai abin da aka tsara maka za ka yi ka zama bawan mutane a taƙaice.

8. Yawan tambayar kuɗi ko roƙon taimako

Mutanen da ke yawan roƙon taimako ba tare da ƙoƙarin dogaro da kansu ba, suna zama abin raini.

Nazarin Journal of Economic Behavior & Organization ya nuna cewa mutane suna mutunta waɗanda ke ƙoƙarin magance matsalolinsa.

9. Yawan cewa "Ni ne na fara" ko "Ni na fi kowa"

Mutanen da ke yawan jaddada kansu a kowane yanayi suna sa wasu su raina su. 

Nazarin Personality and Individual Differences Journal ya nuna cewa waɗanda ke da hali na son ɗaukaka kansu ba sa samun mutuntawa.

10. Yawan yi wa wasu kishi da fatan mugun abu

Mutanen da suke yawan jin kishin wasu ko fatan sharrinsu, sukan zama abin raini. 

Nazarin Psychology Today ya nuna cewa kishi da mugun nufi suna rage mutunci a idon jama'a.

Ya ku taron matasa ina horonku da ku guji waɗannan abubuwan.

Karanta Sauran anan»

Gaskiya 21 Game Da Mata Da Maza Da Ba Ku Sani Ba

1. Mata suna son namiji mai yawan murmushi, domin hakan na nuna musu cewa wai zai tausasa musu ko bayan aure.

2. Maza suna son mace mai saurarensu fiye da yawan yi musu magana. Mace mai amfani da kunnuwa fiye da baki. Mace mai tsayawa tana saurare fiye da yawan magana.

Gaskiya 21 Game Da Mata Da Maza Da Ba Ku Sani Ba

Hoto: Ammentorp/Dreams time

Marubuci:- Abdallah Aliyu Saint

3. Idan mutum yana son ka da gaske, zai kula da ƙananan abubuwa game da kai da wasu ba su lura da su ba.

4. Mata sukan fi sha’awar namiji mai ƙwarewa da wani abu, kamar kiɗa, rubutu,zane ko wasan motsa jiki.

5. Saurayi da budurwa da suka fi yawan dariya tare, da abubuwan da a zahiri ake ganin kamar shiriritane ko yarinta sun fi samun dangantaka mai ɗorewa, da kuma samun kwanciyar hankali bayan aure.

6. Muryar mutum tana canzawa idan yana magana da wanda yake so, yawanci tana yin taushi ko zurfi.

7. Idan mutum yana yawan tunaninka, zai fara yin mafarki da kai, koda kuwa bai bayyana hakan ba.

8. Idan mace ko namiji yana zaune kusa da wanda yake so, jikinsa na iya yin zafi ko tafasa kaɗan saboda yawan ƙwayoyin halittar jininsa sun fara haɗuwa da na wanda yake so ɗin suna son rungumar juna.

9. Mutane sukan fi sha’awar waɗanda ke nuna yarda da su fiye da waɗanda ke da kyau kawai.

10. Idan mutum yana son ka/ki, zai koyi abubuwan da kake/kike so ba tare da an tilasta shi/ita ba.

11. Idan matarka na son ka sosai za ta fara kwaso wasu ƙananun ɗabi'unka wanda ita kanta ba ta san tana yi ba kamar yadda kake magana, yadda kake cin abinci, tsayuwarka, har sai ta fara kamanni da kai ta fuska.

12. 'Yar farko da aka fara haifa a gida tana kwaso kamanni da halayyar mahaifinta ne.

13. Mata sukan fi sha’awar maza masu iya yanke shawara da sauri.

14. Idan mutum yana jin daɗin zama da kai, zai riƙa kallon fuskarka sau da yawa.

15. Mata suna jin daɗin zama da maza masu iya sanya su dariya akai-akai.

16. Mata sun fi maza son yin zancen batsa amma a zahiri sai su nuna kamar ba sa so.

17. Mata sukan tuna saurayin da suke so ne kawai yayin da suka ji waƙa da kiɗan da ya burge su.

18. Kaso 20 na mazan duniya su na Gidan Yari (Prison) a ɗaure yayin da mata kaso 5 ne kacal ke ɗaure.

20. Ƙanwar mace mai bin ta (Sakuwarta) tana kishi da ita sosai , shiyasa take kwaikwayonta a komai kuma take fatan samun duk abin da yayarta ta mallaka.

21. Namiji mara jin magana da taurin kai ya fi shiga zuciyar mata fiye da mai sanyin rai, saboda suna ganinsa a matsayin mai ƙarfin hali da ƙarfin da zai iya kare su daga rikici ko tashin hankali.

Karanta Sauran anan»

Yadda Sana'o'in Da Aka Raina Za Su Taimake Ku

Duk wanda ka gani a wani mataki na nasara, akwai matakin da ya fara wanda ba abun burgewa ba ne.

Yadda Sana'o'in Da Aka Raina Za Su Taimake Ku

Hoto: Prostock-Studio/Getty Images

Marubuci:- Bello Ado Hussaini

Sai dai wannan matakin nasa, wanda mai yiwuwa shi ma wasu masu ƙarancin tunani, sun raina matsayin sa a wancan lokaci, shi ne sanadiyyar samun ɗaukakar sa a yau.

Matasa da dama suna ƙin shiga wasu sana'o'i saboda al'umma ta raina masu wannan sana'ar ba tare da wani dalili ba.

Kuma da yawan irin waɗannan sana'o'in za ka tarar abin da ake samu cikinsu, ya fi na mai matsakaicin albashi.

Wasu kuma sukan ɓoye irin sana'ar da suke gabatarwa, saboda gudun raini ko kallon wulaƙanci.

Babbar illar hakan shi ne, ba za ka sami damar ba wa sana'ar taka irin kulawar da ya kamata ba, tunda a ɓoye kake yin ta.

Abin da ya kamata ka sani shi ne, maula da roƙo da zama cikin talauci, su ne abin jin kunya, amma ba ƙaramar sana'a ba.

Alh. Mustapha Ado mai kamfanin AMMASCO OIL, ya fara da siyar da baƙin mai a galan, yau shi ne mai kamfanin Lubricant ɗan ƙasa mafi girma a Nigeria.

Alh Auwalu Abdullahi Rano, A.A Rano, ya fara siyar da kalanzir a garewani (Drum) abin da ake kira da Ɓunɓurutu/Bunburutu, yau kamfanin sa na A.A Rano Nig Ltd yana cikin kamfanonin da suke ɗaukar Crude Oil a Nigeria, baya ga gidajen siyar da fetur sama da 120, da kuma motocin ɗaukar mai sama da 600.

Kai kanka da kake karanta wannan rubutun, ba za ka rasa wasu misalai da suka faru da wasu da ka sani ba, waɗanda su ma an raina sana'ar da suke yi a baya, kuma yau sun zama abin sha'awa da kwatance a cikin al'umma.

Kowacce irin sana'a kake yi, matuƙar halal ce, ka gabatar da abar ka cikin alfahari da godewa Allah.

Elon musk ya ce "Kada ka ji kunyar sana'ar da kake yi komai ƙanƙantar ta. Kada ka sauya manufar neman ka, saboda wani yana kallon ka a maƙasƙanci.".

Kada ka bari wani sakarai ya hana ka gina rayuwar ka, saboda tasa rashin fahimtar da rayuwa.

Karanta Sauran anan»

Kyakkyawan Sakon Gaisuwa Ga Budurwar Nesa Mai Daɗi

Amincin Allah ya tabbata ga wannan da ruhi ke yi wa matsananciyar ƙauna wadda ta zarce ta uwa da ɗan ta. Ita ce wadda zuciya ba ta taɓa dakon soyayya mai nauyi ba kamar ta ta.

Kyakkyawan Sakon Gaisuwa Ga Budurwar Nesa Mai Daɗi

Hoto: GCShutter/Getty Images

Marubuci: Abba Rabi'u Matallawa

Na rubuto miki wannan saƙon ne don na gaishe ki, irin gaisuwar da ake yi wa sarauniya mai cikakken iko.

Lokuta sun tafi ba tare da idanuwan mu sun sake yin arba da juna ba, tun bayan haɗuwar farko, sai dai fa ki sani a kowanne lokaci ƙaunar ki na hauhawa a cikin zuciya, ta yanzu ta zarce ta ɗazu, kuma ba ta kai ta gobe ba.

Fatana wanzuwa a matsayin mijin ki.

Karanta Sauran anan»

Daukakar Da Kake Nema

Ba ni aron hankalin ka, ɗana, rayuwa sai ta ba ka wahala take ɗaga ka sama, idan ka maida hankali kan ita wahalar da baƙin ciki kaɗai za ka tsira, idan kuma ka maida hankali kan darusan sai ka ga da wuri ka ci nasara.

Ɗaukakar da kake nema

Hoto: T Turovska/Istock photo

Marubuci:- Abdullahi Madachi 

Ɗaukakar da kake nema tana nan cikin wannan aikin da ka ƙi farawa saboda ganin yana da wahala. Ka fara!

Daga yau ka daina faɗawa mutane abun da za kai gobe kawai gobe su ga ka yi abun. Na lura "Kifin da ya kame bakin sa cikin ruwa, ƙugiya ba ta kamo shi".

Karanta Sauran anan»