Matashin Jarumin Ya Bayyana Haka Ne A Cikin Wata Fira Da Yayi Da Babban Shafin Jaridar Nan Na Yanar Gizo Gizo Mai Suna Dandalin Voa.
Na Shiga film saboda sha'awa Inji Garzali Miko
Inda Jarumin Ya Bayyana Hakan A Matsayin Kaddararsa, Tare Da Kuma Bayyana Ire Iren Kalubalen Daya Fuskata Kafin Zaman Sa Jarumi Da Kuma Ire Iren Ayyukan Da Ya Fara yi A Masana’antar Kannywood Kafin Daga Bisani Ya Fara Fitowa Wa A Matsayin Jarumi “Actor” A Film.
Inda Yace Ya Fara Ne Daga Matsayin Mai Bada Haske, Daga Bisani Kuma Ya Zama Mai Bada Umarni, Inda Yanzu kuma Yake Fitowa A Matsayin Jarumi A Film.
Sannan Ya Kara Da Cewa Komai Dan Adam Keyi A Harkan Rayuwa Tofa Dole ne Wata Rana Ya Samu Farin Ciki Wata Rana Kuma Akasin Haka.
Yayi Karatun Primary Din Sane A (Gyadi-Gyadi Special Primary) Daga Nan Kuma Sai Ya Wuce Makarantar Secondary Ta Horizon Duk A Cikin Garin Kano.
A halin yanzu kuma yana karatun difloma kan sha’anin wasannin kwaikwayo a jami’ar Maitama Sule.
Biography of Garzali Miko
Yana da kyakkyawar dangantaka da jarumi Ali Nuhu, (Sarkin kannywood) wanda kusan za a ce shi ya raine shi har zuwa lokacin da ya felle domin kokarin kafa kansa. Garzali Miko fara harkar fim a matsayin mai bada hasken wuta, daga bisani ne ya fara shiryawa da tsara finafina.
Yanzu haka yana cikin manyan furodusoshi da ake ji da su a masana’antar finafinan Hausa. Ya shirya finafinai da yawa, yayin da wasu ma shi ya fito a matsayin jarumi. Ya fara harkar fim ne tun yana yaro karami bai wuce shekara goma ba, kusan duk wasu abubuwa na ci gaban masana’anyar a gabansa suka faru.
Mafarkinsa na zama cikakken Jarumi a Kannywood ta ja shi ga harka finafinai inda ya fara tun daga tushe har kawo matsayin da ya tsinci kansa na shahararren jarumi a Kannywood, ya fara aiki ne a kamfanin Rana Film Production, ya yi finafinai da dama amma kuma fim dinsa da ya fara haska shi a idon duniya shi ne Gamu Nan Dai.
Biography of Garzali Miko
Gamu Nan Dai fim ne wanda shaharerran kamfanin FKD suka dauki nauyin shiryawa, kuma gogarman Kannywood, Ali Nuhu ya bada umarni. FKD sun taimaka kwarai wajen ganin sun haska matasa hudu daga ciki har da shi Garzali Miko. Matasan da suka fito a wannan fim sun hada da Ramadan Booth, Nuhu Abdullahi, Shamsu Dan Iya, Abdul M Shareef, sai kuma jagoran shirin Ali Nuhu.
Ganin kwazon da Garzali ya nuna a cikin shirin Gamu Nan Dai, ya janyo hankalin daraktoci suka fara rige-rigen aiki da shi. Darakta Sunusi Oscar 442 ya taimaka kwarai wajen ganin ya kara zakulo basirar da Allah ya yi jarumi Garzali tare da nunawa duniya irin fasaharsa.
Ya kuma tabbatar ma duniya cewa Garzali mutun ne mai son mutane, yana mai da hankali kwarai idan har aka ce an zo bakin aiki, ba ya wasa da duk abun da aka saka shi. A yanzu haka duk wani matakin da ake bukatan jarumi ya kai, to fa Garzali Miko ya dauki hanyar karasa wannan wajen. Kowane jarumi burinsa ya samu dimbin masoya domin a rika gayyatarsa wurare don nishadantar da mutane, tunin Garzali ya hau kan wannan kadami na zama shahararre.
Babbar Sallah ta gabata, kusan duk gidajen wasannin Arewacin Nijeriya, wakokin Garzali ake sanyawa domin a cashe, musamman Hasashe da Arashi. Wakokin Hasashe da Arashi sun tasiri matuka a tarihin Kannywood, domin ba a taba samun matashin jarumi da ya fito da wakoki wadanda suka karbu a wajen mutane cikin kankanin lokacin kamar Garzali ba.
Babban abin dubawa a nan shi ne, a wannan shekarar da muke ciki, manya-manyan jarumi sun saki finafinai wadanda wakokinsu suka yi tashe matuka, amma hakan bai hana wakokin da jarumi Garzali ya fito bankawa wadanda jaruman domin shi ma duniya ta san shi ba. Bidiyon wakar Hasashe yana daya daga cikin wakokin da suka shahara a shekara ta dubu da sha bakwai, wanda tun kafin a saki faifansa mutane sun gama karbar sabon tsarin da aka zo masu da shi.
Biography of Garzali Miko
A YouTube kadai, babu wata wakar Hausa da aka kalla kamar ta Hasashe a shekarar 2017, domin zuwa yanzu akalla mutum dubu dari biyar (500,000) ne suka kale ta. Ko wakokin manyan jarumai ba su samu wannan tagomashi ba.
Ya fuskanci kalubale da dama, amma hakan bai sa shi ya karaya, ko jin ba zai kai labari ba, ya yi imani da cewar duk abun da ka jajirce a kai to Allah zai taimake ka. A wata hira da aka yi da shi, Garzali ya ce sha’awa ce ta ja shi ga harka finafinai inda ya fara tun daga tushe har kawo matsayin da ya tsinci kansa na jarumi a Kannywood.
Yana mai cewa, “kalubale a harkar rayuwa duk abinda dan’dam keyi wani lokaci a samu farin ciki wani lokaci kuwa a sami akasin haka. Kadan daga cikin finafinan da ya fito a ciki: Hadari, Ameerah, Zee Zee, Guguwar So, Makaryaci, Wata Dukiya, Dan Masani, Idan Ana Dara, Rai Da Rai, Bakin Kishi da sauran su.
Shafin komai da ruwanka, Muryarhausa24.com.ng munayin
aiki Tukuru don jin dadin ku
Isar
da bayanai akan lokaci ba tareda son
zuciya ba shine muradin Mu
Domin samun Labarai,Nishadi, Kalaman Soyayyar Hausawa,Bincike mai zurfi,,Tarihi,Fadakarawa,Kimiya da Fasaha,Hotuna,Hausa Comedy, Sharhi mai gamsarwa, tsage gaskiya dalla-dalla da dai sauran su Ku ci gaba da kasancewa da Mu a www.muryarhausa24.com.ng a duk inda Ku Kasance a fadin Duniya
DOMIN SAMUN LABARAI, RAHOTANNI, LABARIN BOLLYWOOD, LABARIN FINA-FINAN HAUSA NA KANNYWOOD, ZAFAFAN KALAMAN SOYAYYAR ZAMANI, FADAKARWA,NISHADANTARWA, LABARIN WASANNI, ILIMANTARWA DA SAURAN SU AKAN LOKACI KU CI GABA DA KASANCEWA DA MU A www.muryarhausa24.com.ng
Zaku iya aiko mana da Labari ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika sakon ka/ki akan addreshin Mu Na yanar gizo muryarhausa24@gmail.com za muyi farin ciki da samun sakon ka/ki Mungode
Source: www.muryarhausa24.Com.ng
