Wakar da tayi sanadin kama Darakta Sunusi Oscar442
Marubuci: Aliyu Imam Indabawa
Mutane daban daban-daban sun tofa albarkacin bakinsu, sai dai bisa dukkan alamu da yawa suna tuya ba tare da albasa ba, duba da yadda suke dukan taiki su kyale jaki, a wannan gaɓa zan so nayi tsokaci wanda masu neman gaskiya zasu fahimta.
Duk wanda ya sanni a baya zai tabbatar da bana ga muciji da Jagoran Hukumar tace fina-finai na Kano Ismail Afakallahu, mun sha tataburza dashi a wannan saha, har ƙarar shi muka kai wajen hukumar muhyi magaji wato hukumar nan da ake kira "Public complaints and anti corruption" Hukumar ƙarbar ƙorafe ƙorafe da yaƙi da rashawa, ga wanda ya san wannan hukuma yasan tana da hurumin tsige Afakallahu daga mukaminsa, mun kai ƙorafin ne bisa sakaci dashi Afakallahun yake ga irin waɗan nan Videos na baɗala da iya shege, ban taɓa yabon Afakallahu na rana guda ba, na ƙwarzabe shi, na caccake shi na sossoke shi a baya, amma dole ya sami adalci a gareni a yau.
A taƙaice dai babu maganar zalinci cikin hukuncin da aka yanke wa Shakiyin darakta Sunusi Oscar domin dokar daya taka itace ta taka shi, da yawan mutane basu san irin ƙarfin da hukumar tace fina finai ke dashi ba, shi yasa suke ta tsetsegulo, ita wannan hukuma an kafa ta ne a Majalisar Jahar Kano shekarar 2001 ƙarkashin shugabancin Rabi'u Musa Kwankwaso, an bata damar kama duk wanda ya aikata ba dai-dai ba ta ɗaure shi ta kuma ci shi tara.
Darakta Sunusi Oscar442
Masu magana na cewa" A idaniya ake zawurya" Bari dai mu garzaya babban kundin wannan hukuma me suna " Censorship regulations" da kuma ƙaramin kundin me suna " Arrangement of the State Censorship Film Board Law 2001, wanda yake da Sassa 22. Mu shiga cikin sashe na 9 cikin Karamin Sashe na 2 na cikin baka me yace? 9
(2) The Board May, By Order, Ban,
Suspend or Prohibit The Production, Distributions, Sales or exhibitions of Any Film, Pornographic Books Or Publications In the State, Where in the opinion Of the Board it is offensive to public morality And decency.
Hukuma zata iya umarni ko ta hana, ko ta dakatar, ko ta haramtar da duk wani shiri wanda za'ayi a rarraba shi, ko a siyar dashi a kasuwa, ko wani film da za'a haska shi a sinema, ko mujallun batsa, ko bugaggun litattafai a garin, wanda hukumar ke ra'ayin cewa abun nan Laifi ne kuma zai cutar ga tarbiyya da nagartar mutane.
Za'a iya siffanta ƙarfin wannan Hukuma da ƙarfin Allah ya isa, don be tsaya iya nan ba, bari mu Garzaya Babban kundin mai suna "Censorship Regulations" Mu shiga sashi na 98 karamin sashin C na cikin baka, ga Abinda yace"
(98)
(C) Advertises or makes Known by any Means whatsoever with a view assisting the circulation of, or traffic in, any such matters or things, that a person is engaged in any of the acts referred to in this section, or advertises or makes known how, or from whom, any such matters or things can procured either directly or indirectly; or
(D)publicly exhibits any indecent stage show or performance , play or any Show or performance tending to corrupt public morals, is guilty of an offence and is liable to imprisonment for 3 months or to a fine or to both such imprisonment and a fine.
(C) Tallace tallace ko samar da sanin wani abu, ta ko wace manufa ta koma yaya ne, tare da taimakawa wajen yaduwar abun, duk wadan nan abubuwan wanda mutum zai aikata suna komawa ne akan wannan sashi, ko tallace tallace ko samar da sanin abu kota yaya, ko daga wajen waye, duk waɗan nan abubuwa wanda mutum zai aikata kodai kai tsaye ko ba kai tsaye ba Ko
(D) Abinda za'a haska a cikin mutane, wanda ya sa6a da tarbiyya da nagarta, irinsu wasan da ake tara mutane ayi shi, (irinsu gidan rawa da kalankuwa da irinsu bikin party dasu D.J da sauransu,) ko abin da za'a kunna shi, ( irinsu fina finai da gidajen TV da gidajen Redio da sauransu) da duk wani abu da za'a nuna ko ayi shi, muddin abun zai janyo lalacewar Nagartar Mutane, to haka aikata laifi ne wanda zai janyo wa mutum daurin wata uku, ko a ci shi tara, ko duka biyun da daurin da kuma biyan tarar.
Akwai dokar da tace idan an so ma za'a iya yiwa mutum ɗaurin shekaru masu yawa domin ya zamanto darasi ga sauran, tsawaita wa ne banaso. Allah ya saka wa Dr Abubakar rabo Abdulkarim bisa ƙokarin ɗabbaka wannan doka.
Saboda haka Malam Afakallahu ya cancanci yabo da ƙarfafa gwiwa domin ya ɗore akan aikata doka, idan kuma ta tabbata tsuntsu biyu ya jefa da Hoge guda kamar yadda wasu ke faɗa wato anyi kamun ne don siyasa, sai muce yaji tsoron Allah ya sani Allah da Manzonsa S.A.W da addinin Islama sune suka fi cancanta a tsare haqqinsu ba Ubangidansa Ganduje ba.
Amma bamu san zuciyarshi ba, ba zamu mishi hukunci ba, ni bana Gandujiyya bana Kwankwasiyya, muna yaba mishi akan wannan hoɓɓasa, muna fata nan gaba zai mai da hankali ya ɗauki salon nan na ba sani ba sabo irin na Malam Abubakar rabo, ba ɗan Gandujiyya balle Kwankwasiyya kowa yayi a hukunta shi, har ila yau dai muna ƙara yabon shi bisa tsarin Malam Abubakar rabo da ya dawo dashi na tace waƙokin Yabo wanda Sha'irai ke furta kalaman da basu da kyau.
DUBA WADANNAN:
JARUMI SADIK SANI SADIK YAYI ABIN DA BABU WANI DAN FILM DA YA TABA YI A TARIHIN KANNYWOOD
Kalli Kayatattun Hotunan Jaruma Maryam Yahaya Na Wannan Makon
DAGA YAU DOLE NE SAI MASU TARBIYA NE ZASU YI FINA-FINAN HAUSA - SHEHU HASSAN KANO
Muna fata Malam Afakallahu zai tabbatar wa da Ubangidansa Sunan Khadimul Islam da ake mishi laƙabi ta hanyar tsaftace addini da tarbiyya daga sharrin ƴan iskan gari maɓarnata.
Shafin komai da ruwanka, Muryarhausa24.com.ng munayin
aiki Tukuru don jin dadin ku
Isar da bayanai akan lokaci ba tareda son
zuciya ba shine muradin Mu
Burin shafin Muryar Hausa24 shine ta fito
da kyawawan manufofi, tsari, Nagartar masu jin
yaren Hausa a dukkan fadin Nigeria da kasashen
da suke makwabtaka da ita kuma ta hada kan
masu jin yaren Hausa waje ɗaya a ko ina suke
Domin samun Labarai,Nishaɗi, Kalaman Soyayyar Hausawa,Bincike mai zurfi,,Tarihi,Fadakarawa,Tunatarwa, Complete Tafseer, Complete Qur'an Audio, Addu'o"in littafin Hisnul Muslimi cikin harshen Hausa, Kimiya da Fasaha,Hotuna,Hausa Comedy, Wakokin Gargajiya, Wakokin Siyasa, Wakokin Zamani, Wakokin Bege na Annabi Muhammad (SAW) , Sharhi akan al'umaran Yau da Kullum , Sharhi mai gamsarwa, tsage gaskiya dalla-dalla da dai sauran su Ku ci gaba da kasancewa da Mu a www.muryarhausa24.com.ng a duk inda Ku Kasance a fadin Duniya.
Mun kudiri aniyar tsage gaskiya
na bada labarai da suka hada da
harkokin yau da kullum Da zummar
samar da zaman lafiya da kuma
daukaka kima da martabar
al’adun Hausa.
Zaku iya aiko mana da Labari ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan addreshin Mu Na yanar gizo muryarhausa24@gmail.com Za muyi farin ciki da samun saƙon ka/ki
Mungode
Source: www.muryarhausa24.com.ng
