Malam mahaifina ya rasu, sai wani malamin islamiyyar mu ya ce min ba kyau zaman makoki, to gaskiya kaina ya ɗaure, saboda na taso na ga ana yi, kuma idan ban yi ba za'a ce ban damu da mahifinmu ba, malam yanzu yaya zan yi? Allah ya datar da kai zuwa dukkan alkairai.
Baya Halatta ga Musulmi yin Kuka Idan Wani ya Rasu (Mutu)
AMSA
To Ɗan Uwa Allah ya ba mu dacewa gaba ɗaya, tabbas malamai sun tattauna akan hukuncin zaman makoki, sai dai sun kasu kashi uku:
1. Akwai waɗanda suka tafi akan makaruhi ne, saboda hadisin Jarir R.A wanda Imamu Ahmad ya rawaito cewa: "Mun kasance muna ƙirga taruwa yayin mutuwa da kuma yin abinci ga gidan da aka yi mutuwa daga cikin rurin da Allah da ya haramta", Musnad: 6905, don haka suna cewa, sai dai a haɗu da waɗanda aka yiwa rasuwa akan hanya ko a kasuwa, ko masallaci ayi musu ta'aziyya, wannan ita ce maganar Shafi'i a cikin Umm 1\318, haka Nawawy a Majmu'u 3\306.
2. Akwai waɗanda suka tafi akan cewa bidi'a ne, kamar Ibnul-kayyim a zadul ma'ad 1\527.
3. Akwai malaman da suka tafi akan halaccin zaman makoki, saboda hadisin da nana A'isha ta rawaito cewa, lokacin da aka kashe Zaid ɗan Haritha da Ja'afar ɗan Abu-dalib Annabi ﷺ ya zauna a wani wuri, duk wanda ya gan shi zai ga alamun baƙin cikin tare da shi, sai wani mutum ya zo ya ce masa: ga matan Ja'afar can suna ta kuka, sai Annabi ﷺ ya umarce shi da ya je ya hana su, su kuma yi hakuri"
Bukhari hadisi mai lamba ta: 1299.
Waɗannan malaman suna cewa: Za'a iya fahimtar hallacin zaman makoki a wannan hadisin a wurare guda biyu:
A. Faɗin nana A'isha cewa "Ya zauna ana ganin alamun baƙin ciki tare da shi da kuma zuwan wancan mutumin". Dalili ne da yake nuna cewa: yana zaune ne a wurin da mutane suka sani kuma suke zuwa su same shi.
B. Kasancewar bai hana matan Ja'afar taruwar da suka yi ba, kawai kukan ya yi umarni da a hana su.
Wannan maganar ta hallaci an rawaitota daga Imamu Ahmad kamar yadda ya zo a Insaf 5\565 da kuma Ibnu-Abdulbarr na Malakiyya, kamar yadda ya zo a littafinsa na Alkafy 1\283, sannan wasu daga cikin Hanafiyya sun tafi akan haka kamar yadda ya zo a Binaya 3\303.
Prof. Khalid Al-mushakih (Ɗaya daga cikin manyan ɗaliban Sheik Bn Uthaimin) ya rinjayar da zance na uku, sai dai za'a guji abubuwa kamar haka a lokacin wannan zaman:
1. Yawaita yin abinci, da masu karɓar gaisuwa, zai yi kyau ya zama makusantansa ne kawai za su amshi gaisuwa.
2. Nisantar yin laccoci a wurin, domin hakan na daga cikin bidi'o'in da ba su da hujja.
MAKALOLI MASU ALAKA:
Karanta Falalar Wankan Gawa da Yadda Ake Yinsa
Daga Karshe Sunyi Kwanciyar da Babu Ranar Tashi
Hanakali Na Yana Tashi Idan Na Tuna da Wannan
3. Nisantar tsawaita zaman, a yi shi gwarwadon buƙata.
Duba maganarsa a: Fiqhunnawazil shafi na: 75.
Allah ne mafi sani.
Shafin komai da ruwanka, Muryarhausa24.com.ng munayin
aiki Tukuru don jin daɗin ku.
MURYAR HAUSA24 Kamfani ne mai zaman kansa domin bunƙasa harshen Hausa a duk sassan Duniya.
Burin Shafin MURYAR HAUSA24 zama babban shafi a Duniya da zai samu amincewar al'umma don Ilimantarwa.
Burin Shafin MURYAR HAUSA24 zama babban shafi a Duniya da zai samu amincewar al'umma don Ilimantarwa.
MURYAR HAUSA24 Shafi ne da yake ƙunshe da abubuwan da suke da alaƙa da harshen Hausa da Al'ummar Hausa, sannan shafi ne da yake tafiya da Zamani da kuma tsarin Gargajiya na Iyaye da Kakanni, don Ilimantarwa da Kuma Faɗakarwa.
MURYAR HAUSA24 Shafi ne a Yanar Gizo da yake gabatar da shirye-shiryensa a cikin harshen Hausa Zalla, cikin sa'o'i ashirin da huɗu Dare da Rana (24 Hours) ba tareda kakkautawa ba.
Ku ci gaba da kasancewa da Mu a www.muryarhausa24.com.ng a duk inda Ku Kasance a faɗin Duniya.
MURYAR HAUSA24 Mun ƙudiri aniyar bunƙasa harshen Hausa a sassan Duniya batare da nuna ƙabilanci ba, ta hanyar rubuce-rubuce da kuma sauraro (Audio) gami da kallan hoto mai motsi (Video).
Zaku iya aiko mana da Labari, Faɗakarwa, Tunatarwa, Ilimantarwa, Nishaɗantarwa, Wa'azartarwa da sauran su ko shawarwari, Ra'ayoyin ku ko kuma nuna gamsuwar Ku akan yadda Mu ke tafiyar da wannan Shafi mai ALBARKA aika saƙon ka/ki akan adireshin Mu Na yanar gizo muryarhausa24@gmail.com Za muyi farin ciki da samun saƙon ka/ki
Mungode
