Kiyashi sukan bautar da junan su..
Marubuci:- Kamaluddeen Kmc
1. Kiyashi wani halitta ne kamar ɗan ƙaramin aljani saboda ƙarfin da yake dashi, domin yakan iya ɗaukan abinda yafishi (yaninka shi) nauyi sau 50.
2. Ana tsammanin nau'ikan kiyashi wato ƙabila-ƙabila sun kai aƙalla 12,000 a duniyan nan.
3. Da za'a tara yawan mutanen dake duniyan nan ahaɗa nauyin su waje guda, sannan atara kiyashin duniyan nan baki ɗaya ahaɗa nauyin su waje guda haƙiƙa da nauyin mutane da kiyashi yazo ɗaya.
4. Saboda ƙarfi irin na kiyashi, idan da yanada girma kaman akuya haƙiƙa da zai iya ɗaga mota sama chan chak.
5. Kiyashi sukan bautar da junan su, sukan kama wasu nau'ikan kiyashi wanda ba jinsin su ba su bautar dasu su zama bayi suna musu aiki, kiyashin da aka maidashi bawa ana kiransa da suna colony.
6. Yawancin bayi acikin kiyashi mata ne, kuma sune suke aikace-aikace da hidima wa sarauniya.
7. Kiyashin da suka fi girma ana samun su ne a jejin panama jungle, domin tsayin su yakai 1.6 inches.
8. Aduk lokacin da namijin kiyashi ya barbari macen kiyashi, bazai jimaba zai mutu.
9. Kiyashi sune halittun da ake samun su ako ina a faɗin duniyan nan in banda yankin artic da kuma yankin antarctica.
10. Titanomymra wani nau'in kiyashi ne dasu ka taɓa rayuwa, saboda girman su sukan iya kaiwa 6 inches wato dai-dai da rabin rula na cikin mathset (sunfi kyankyaso girma), amma yanzu ba'a samun su anshafesu a duniya.
11. Black garden ant wani nau'ine daga cikin nau'ikan kiyashi da muke dasu, suna iya jimawa a duniya na tsawon shekara 15 batareda sun mutu ba. sun ma fi kare jimawa a duniya.
ME KASANI GAMEDA KIYASHI...
13. Daga cikin nau'ikan kiyashi da muke dasu akwai wasu nau'ikan kiyashi masu iya kisa saboda hatsarin su, ana kiran su da suna bulldog ants, ana samun su a kasar australia ne.
14. Fire ants wasu nau'ikan kiyashi suma waɗanda suke rayuwa a ƙasar brazin , awani rafi mai girman gaske mai suna amazon rainforest, rafi ne kuma jeji ne.
Su waɗannan kiyashi suna iya taruwa su haɗa ƙafafun su waje guda su zama kamar wani kwale-kwale suyi tafiya akan ruwa domin zuwa kiwo.
15. Sarauniya acikin kiyashi itace mafi girma sosai, tanada ran ƙwalelen kai, sauran matsakaitan sune masu aikin, 'yan ƙananu sosai kuma basu wani aiki sosai, ita sarauniyar duk tafisu jimawa a duniya.
16. Bullet ant wani na'u'ine daga cikin nau'ikan kiyashi damuke dasu, wanda yafi kowani ƙwaro zafin cizo, idan ya chiji mutum yakanyi zafi da zugi sama da awa ashrin da huɗu (24-hours) batareda zafin yadena ba.
Masana kimiyar halittu sunce, chizon bullet ant dai-dai yake da mutum yasaka yatsansa ajikin wutan lantarki wanda ƙarfin wutan yakai 240 voltages , zafin schoking ɗin dai-dai yake da chizon bullet ant.
17. Mazan kiyashi sukan sato koyayen wasu nau'ikan kiyashin, idan suka fafe (ƙyanƙyashe) koyayen sai su maida yaran kiyashin bayi awajen su.
18. Yana daga cikin rawan da sarauniyar kiyashi take takawa wajen ganin ta ƙyanƙyashe koyayen kiyashi sama da 10,000 saboda a sami masu aiki sosai.
19. Kiyashi yanajin motsi ne ta hanyan vibration, amma baida kunne ajikin sa sai antenna.
20. Carpenter ant wani nau'ika ne daga cikin nau'ikan kiyashi waɗanda suke iya huda katako sugina gida acikin sa, sune suke zama sari masu lalata katako.
21. Kiyashi bayada hanci, dukkan jikin sa rami ne, yakan shaƙi numfashi ne ta ramukan jikin sa.
ALLAH shine mafi sani.
Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.
