Mafarin Nasara
Marubuci:- M. Kabiru Muhammad
Kai dai ka aminta da kanka ɗari bisa ɗari fiye da yadda kake kwatanta hakan a kan wasu.
Idan Allah ya so, su ne za su fara yi maka tafi watarana.
Yi aiki tuƙuru don ka cimma nasara.
Amma idan kuwa ka biye wa al'amarin mutane, daga ƙarshe, ba za ka iya taɓuka komai ba.
Yayinda su kuma za su dawo suna masu yi maka dariyar mugunta, har ma wasu daga cikinsu su rinƙa yi maka kallon wawan mutum wanda sam bai san ciwon kansa ba.
Yanzu haka, ba ka makara ba, don zaɓi yana hannun ka, inma ka yi abun da zai inganta rayuwar ka da ta iyalanka masu zuwa a nan gaba, ko kuma ka ɓata lokutan rayuwar ka a iska, ba tare da ka cimma komai ba. Yayin da su kuma al'umma da iyalanka da 'yan uwan ka, da abokan mu'amalar ka, ba lallai ba ne a iya samun wani daga cikinsu wanda zai iya yin alfahari da kai a ko'ina cikin faɗin duniya, muddin ka shirmantar da lokutan ka a iska.
Musamman ma idan ya kasance ba ka cimma komai ba a iya tsawon rayuwarka gaba-ɗaya.
Allah Ya tabbatar mana da dukkan buƙatun mu na Alkhairi, Amin Yaa Hayyu Yaa Qayyum.
Shafin komai da ruwanka, Muryarhausa24.com.ng munayin
aiki tuƙuru don Ilimantarwa da Faɗakarwa.
Tushe/Asali: www.muryarhausa24.com.ng
