Duk da mummunar fahimta da ake yi wa 'ya'yan masu kuɗi 'yan mata, ta wata fuskar sun fi 'yan matan talakawa iya soyayya. 'Yar gidan Maikuɗi in dai tana son ka za ka sami zallar soyayya wacce ke tare da halacci gami da sadaukarwa.
Marubuci:- Imam Aliyu Indabawa
Har ga Allah kashi casa'in na matanmu na Arewa musamman irinmu 'ya'yan gidan talakawa da wahala ka ga sun so mutum saboda Allah sai sun ga akwai wata maslaha ta su, maslahar ita ce mutum maikuɗi, wanda hakan ke sabbaba musu nadama mai tsanani daga baya.
Yau ɗin nan mun tattauna da maza guda biyu waɗanda 'yan matansu suka ƙi aurensu sakamakon raina abin da suke samu. Yau waɗannan mata suna cikin matsaloli a ɗakunan mazajensu sakamakon son zuciyarsu, su kuma mazajen yanzu Allah ya rufa musu asiri su na rayuwa mai annashuwa da matansu.
Addini ma bai yarda ki auri wanda ba shi da sana'a ba. Amma dai a rage dogon buri ba wanda ya san inda rana za ta faɗi. Wani abun da ke burge ni da 'yan mata 'ya'yan masu kuɗi shi ne rashin girman kai da wulaƙanci saɓanin 'ya'yan talakawa irinmu. Akwai wacce muka yi ƙawance da ita a baya, wallahi 'yar gidan hamshakin maikuɗi ce babanta ma ba a ƙasar nan yake zaune ba, babban mutum ne a Canada duk da a Arewacin Najeriya aka haife ta amma tana Burtaniyya tana karatu, na yi mamakin yadda ta neme ni da mu'amala kuma take matuƙar girmama ni a matsayina na wanda ke tsagin 'ya'yan talakawa. An ce 'yar maikuɗi idan tana son ka za ta yi ƙoƙari ta ga an cicciɓa ka kai ma ka tsaya da ƙafafunka, na san mutane da dama da aure ya mayar da su masu arziki.
Sai dai an ce kashi tamanin na auren jari akwai tarin ƙalubale a cikinsa, an ce mutum dole ya shirya rayuwa da wulaƙanci daga wajen matarsa. Mu kuma ba zamu juri wulaƙanci ba, wannan ya sa hatta 'ya'yan talakawan ma 'yan uwan mu muka ƙi mu'amala da su saboda ba a raba macen hausawa da wulaƙanci gami da girman kai mafi yawansu, gudun wulaƙanci ko gori ya saka na sha alwashin ba zan auri maikuɗi ko 'yar gidan masu kuɗi ba.
Allah ya zaɓa mana mafi alkhairi. Su kuma matanmu na hausawa ya kamata su yi karatun ta-natsu su gyara ɗabi'arsu.
Shafin komai da ruwanka, Muryarhausa24.com.ng munayin
