Tambaya
Malam Mene ne hukuncin ladanci a sallah, haram ne ko idan aka yi ba laifi?
Ladanci A Sallah
Hoto: Brecorder
Marubuci: Dr. Jamilu Zarewa
Amsa
To ɗan uwa matuƙar liman yana ɗaga murya, to yin ladanci bidi'a ne kamar yadda wasu malaman suka faɗa.
Amma idan liman yana da lalura ko rashin lafiya ko kuma masallacin yana da girma ta yadda dukkan mamu ba za su ji muryarsa ba, to ya halatta, saboda a lokacin da Annabi tsira da amincin Allah su tabbata a gare shi ya yi rashin lafiya, sayyidina Abubakar ya kasance yana ɗaga murya da kabbara saboda ba a jin na Annabi tsira da amincin Allah su tabbata a gare shi, kamar yadda Bukhari ya rawaito.
Allah ne mafi sani.
