Amincin Allah ya tabbata ga mamallakiyar kyawu na kwatance, wadda miliyoyin mutane suke faɗuwa wajen kallon tsadaddiyar fuskarta, Allah ya sa komai na tafiya daidai a ɓangarenki, ban taɓa faɗa miki wata magana mai muhimmanchi ba wadda ta shafi tarayya ta da ke ba sai yau, ita ce yadda nake tsananin kishin ki.
Sakon Nuna Tsantsar Kishi Ga Masoyiya
Hoto: Naufalmq/iStock Photo
Marubuci:- Abba Rabi'u
Ina sanar da ke da murya maɗaukakiya cewa ina kishin ki fiye da kishin miji a kan matarsa.
Ki sani ina kallon sauran mata ne a mazaunin maza saboda tsananin son ki da ya yi mini yawa, ke ma ina so ki yi koyi da ni akan hakan.
Kash ina ma a ce zan iya ciro zuciyata da na buɗe miki ita ki ga tsantsar ƙaunarki da ke a cikin ta.
Da a ce ni Mawaƙi ne da na rera ƙasaitattun baitocin bege zuwa gare ki. Ki kasance lafiya.
