Dan Bello Ya Maida Martani Na Kaitsaye Ga Masu Son Ya Tsaya Takara

Tun ba yau ba matasa daban-daban suke yin kira ga Ɗan Bello da ya fito takara, za su goya masa baya, sai dai bai taɓa mayar da martani kan hakan ba.

Ɗan Bello Galadanchi ya maida martani ga masu neman ya tsaya takara

A ranar biyu ga watan nuwambar wannan shekarar da muke ciki ne dai Ɗan Bello ya yi hirar kaitsaye a shafin shi na sada zumunta na facebook kan batun yaran nan da aka kama saboda sun ɗaga tutar ƙasar Rasha a yayin gudanar da zanga-zanga, a cikin hirar kaitsaye ɗin ce ɗaya daga cikin mabiyansa mai suna Muhammad Bello Rum Biki ya yi masa tambaya kan cewa "Dan girman Allah ka fito takara". Inda shi kuma ya amsa masa da cewa "Ni ba ɗan ƙasar ba ne, kundin tsarin mulki ba ya bai wa 'yan wasu ƙasar dama su tsaya takara.".

DUBA WANNAN: Kalli Zafafan Hotuna Tare Da Tarihin Bello Galadanchi/Dan Bello

Ɗan Bello dai ya samu karɓuwa ne a gurin jama'a saboda yadda ya shahara wajen tona asirin 'yan siyasar da suke cin amanar fararen hula.