A wasu shekaru can baya da yawa, wanda ya soma cewa duniya mulmule ce kamar ƙwallo saɓanin a mare kamar faranti (yadda aka ɗauka a da), kashe shi aka yi wai don ya kawo wata magana saɓanin abun da sarki da sauran gama garin mutane suka yi imani da shi a lokacin.
Marubuci:- Buzu Danfillo
Ai zairaitu (zombies) ba sa taɓa daina bin ka a guje kuma a fusace muddin kana a mutum ɗinka, har sai sun ga sun cije ka kai ma ka rikiɗe ka zama su, sannan kun tafi tare neman wani wanda yake a mutum bai zama irin ku kai da su ba. Kusan haka yawancin al'umma take a yanzu.
Ka samu babban burin da kake son cimmawa ta yadda har sai girman shi ya razana masu ƙaramin tunani, hakazalika tsukakken tunani sun fara kiran ka da mahaukaci suna yi maka habaici, to a nan shi ne ka hau ƙadamin daidai.
Duk wani ci-gaban al'ajabi a duniyar nan sai da aka kai ga haka kan a cimma shi.
