Babu soyayya a cikin aure, soyayya a cikin zuciyoyin ma'aurata take, su ne za su ɗauko soyayyar su saka ta cikin zamantakewar auren su, lokuta da dama saurayi da budurwa sukan yi aure cike da soyayyar juna a zukatansu, amma auren ya kasa zuwa ko'ina ko ka san dalili ? Saboda soyayyar a zukatansu take ba su ɗauko ta sun sakata cikin zamantakewarsu ta aure ba.
Marubuci:- Abdallah Aliyu Saint
Yawancin mutane sun yarda da wata tatsuniya akan aure cewa wai aure wani akwati ne mai kyau, mai cike da duk abubuwan da Ɗan Adam ke buƙata don zamantakewar rayuwa kamar irin su zumunci, tausayi, abota, kyautatawa, girmama juna da dai sauransu, gaskiyar magana shi ne aure a farkon shi kamar akwati ne mara komai a ciki "Empty box".
Dole ne ma'aurata su ne za su sanya wani abu a cikin akwatin daidai da yadda suke son rayuwar auren tasu ta ɗoru akai.
